Tegin dárige qol jetkizýdegi qıyndyqtar

«Bul baǵytta úlken jumys jasaldy. О́tken jyly Elbasy da densaýlyq saqtaý salasy boıynsha birneshe mindetter qoıdy. Eń birinshi dári-dármekpen qamtamasyz etý, sonymen qatar otandyq farmasevtıkalyq óndirýshilerdi jáne medısına salasyn­daǵy jekemenshik sektordy qoldap salaǵa ınvestısııa tartý, sıfrlan­­dyrý jumystaryn júıeli júrgizý qa­­jet. О́zderińizge málim, biz bıyldan bas­tap tegin medısınalyq qamtamasyz etý máselesin respýblıkalyq deńgeıge kó­shirdik. О́tken jylda osy tegin dári-dármekpen qamtamasyz etý úshin 100 mıllıardtaı aqsha bólingen bolatyn. Onyń jartysy respýblıkalyq bıýdjetten, jartysy jergilikti bıýdjetten qarastyryldy. Jyldyń basyn­da azamattardyń kópshiligi te­gin dári-dármek alý boıynsha bir­neshe qıyndyqqa dýshar boldy. Biz sol kúnderden bastap týyndaǵan má­selelerdi sheshýmen aınalystyq. Jal­py, elimiz boıynsha farmasııa ko­mıtetine 2 myńnan astam azamattan aq­parattar keldi. Barlyq jaǵdaılardy tekserdik. Sozylmaly aýrýmen aýyratyndar tizimge kirmegen. Solarǵa tegin dári-dármek josparlanbaǵan. Ekinshi másele jergilikti deńgeıden qajetti qar­jylandyrý bolmaǵandyqtan, kóp azamattarǵa dári-dármek jetpegen. Memlekettik bıýdjet esebinen dári-dármekpen qamtamasyz etilgen pası­entter sany sońǵy 5 jyl ishinde 15 paıyzǵa artqan. Dárilik zattarmen qamtý prosesiniń tıimdiligi men ashyqtyǵy maqsatynda bıylǵy jyl­dan bastap ambýlatorııalyq dá­ri-dármekterdi satyp alýdy or­ta­­­lyq­tandyrý júrgizildi, onlaın tran­slıasııa rejiminde satyp alýdy uıymdastyrý nátıjesinde bıýdjet qarajatyn únemdeýge qol jet­kizildi. Qazir óńirlik qoǵamdyq den­saý­lyq saqtaý basqarmalary osy somaǵa ortalyqtandyrý kezinde anyq­tal­ǵan tapshylyqty jabýǵa jáne emdelýge muqtaj barlyq azamattar­dy dári-dármekpen qamtamasyz etý boıyn­sha qosymsha ótinimderdi qa­lyp­tastyrdy», dedi Densaýlyq saqtaý mınıstri.

Sonymen qatar ol osy aıda 2019 jylǵa arnalǵan dári-dármekti satyp alý júrgiziletinin jetkizdi.

Raýan QAIDAR,

«Egemen Qazaqstan»