Atyraý oblysynyń Reseımen shekaralas Qurmanǵazy aýdany – sýly, nýly óńir. Kaspıı teńiziniń soltústik-batys bóliginen, Edil ózeniniń salalarynan, Manash, Nurman kólderinen quıylatyn tirshilik kózi aýdanda balyq sharýashylyǵynyń damýyna oń yqpalyn tıgizip otyr. Jyl saıyn balyqshylar kúni aýdanda ulan-asyr toı ótedi. Bul úrdis bıyl da jalǵasty.
Balyqshylar merekesine arnalǵan shara kóktiń ıisi burqyraǵan, jan-jaǵyn jasyl jelek qorshap, salqyn samal esken, tabıǵaty tamyljyǵan Qıǵash ózeniniń jaǵasynda bastaldy. «Amangeldi» JShS men «SevKaspııFısh» balyq zaýyty, «Aqsý-Qıǵash»JShS, balyq qorǵaý ınspeksııasy, «Kaspıı-balyq» О́K, Orman sharýashylyǵy mekemesi, «Sársenbaev» sharýa qojalyǵy, «Kaspıı tańy» О́K jáne okrýgter men jeke kásipkerler qurǵan aqshańqan kıiz úıler saltanattyń sánin keltirip-aq tur. Odan bólek kórshiles Reseı Federasııasynyń Krasnyı Iаr aýdanynan kelgen kásipkerler de óz ónimderin usyndy. Jaǵalaı kıiz úılermen qorshalǵan alańda erekshe bir aýra ornaǵandaı. Bul alda bolatyn sharanyń aýqymdy ekeninen habardar etip, aıaq basqannan-aq kóterińki kóńil-kúı syılady.
Balyq sharýashylyǵy qyzmetkerleri kúnine arnalǵan «Qajyrly eńbek, mereıli mamandyq» atty saltanatty sharada oblys ákiminiń orynbasary Álibek Náýtıev qatysýshylardy merekemen quttyqtady: «Búginde balyq sharýashylyǵy oblysymyzdyń ekonomıkalyq damýyna ózindik erekshe úlesin qosyp kele jatqan úlken salalardyń biri. Árıne qıyndyqsyz jumys bolmaıtyny belgili. Burynǵy balyq sharýashylyǵy tarıh qoınaýyna ketse, qazir qaıta qurylyp, damyp kele jatyr. Táýelsizdik jyldary bul salany qaıta damytý baǵytyndaǵy Elbasymyzdyń úlken eńbegin atap ótýimiz qajet. Sebebi ata kásibin jalǵastyryp jatqan Kaspıı óńirindegi qıynshylyqtardy joıýda, kórshiles tórt memleketpen birlese otyryp onyń qoınaýyndaǵy baılyqtardy bólisýde, muny ortaq paıdalaný máselelerin sheshýde úlken ister tyndyryldy. Osydan bir-eki jyl buryn balyqshylar 400 tonna ǵana balyq aýlasa, bıyl olardyń lımıti 9 myń tonnaǵa jetti. Burynǵy Atyraý balyq zaýytynyń bir bóligi bolǵan Shortanbaı balyq zaýyty qaıta túlep, jańǵyryp, salaǵa ózindik úlesin qosyp otyrǵany sizderge aıan», deı kele eleýli eńbekterimen erekshelengen balyqshylardy oblys ákiminiń alǵys hatymen marapattady.
Aýdan ákimi Bıboz Shaıahmetov aýdandaǵy balyq sharýashylyǵy boıynsha tyndyrylǵan jumystar jóninde baıandama jasap: «Aýdan kóleminde balyq sharýashylyǵyn damytý jáne órkendetý baǵytynda Teńiz aýyldyq okrýginde 2016 jyldyń naýryzynan bastap Reseı-Qazaqstan azamattarynyń qatysýymen «Kaspıı Inter Fısh» JShS quryldy. Seriktestiktiń jyldyq balyq qabyldaý qýaty – 2000 tonna. Turaqty túrde 20, maýsymdyq qyzmette 60 adam jumys isteıdi. Shortanbaı balyq zaýyty óndiristik bazasynda «Sev Kaspıı Fısh» JShS qurylyp, jumysty qarqyndy bastady. Baıda aýyldyq okrýginde «Kaspıan Fısh» JShS-ine qarasty balyq zaýyty iske qosyldy. Bulardan basqa aýdanda salany damytý baǵytynda burynnan «Kaspıı Balyq» О́K, «Kaspıı Tańy» О́K, «Amangeldi atyndaǵy» JShS, «Aqsý-Qıǵash» JShS, «Sársenbaev E» ShQ aýdan kóleminde balyq aýlap, óńdep, eksportqa shyǵarýmen aınalysady» dep atap ótti. Saltanatty sharada birneshe sala ardageri men ozat jumysshylar marapatqa ıe boldy.
Árıne qandaı merekeniń de án shashýsyz sáni kirmeıtini anyq. Keń dalanyń tósinde án áýelep, sporttyq jarystar ótti. Osylaısha Qıǵash ózeniniń jaǵasyna jınalǵan balyqshylar ataýly kúnderin aıryqsha merekege aınaldyrdy.
Qanat ǴUMAROV
Atyraý oblysy