Dúnıejúzilik saýda uıymy Bas keńesiniń otyrysynda uıymǵa múshe elder biraýyzdan 2020 jyldyń jazynda Astanada 12-shi DSU mınıstrleriniń konferensııasyn ótkizý týraly sheshimge daýys berdi, dep habarlaıdy SIM baspasóz qyzmeti.
Bul sheshim DSU-ǵa múshe elderdiń Prezıdent Nursultan Nazarbaevtyń basshylyǵymen Qazaqstanda júrgizip jatqan ekonomıkalyq reformalary men lıberaldyq saýda saıasatyna senim bildirgendigi.
Qazaqstannyń Jenevadaǵy BUU bólimshesiniń jáne basqa da halyqaralyq uıymdar janyndaǵy Turaqty ókili, Elshi Janar Aıtjanova, jaqynda DSU-ǵa qosylǵan jas táýelsiz memleket úshin mundaı mańyzdy kezdesýdi ótkizý úlken mártebe ekenin atap ótti. Qazaqstan mınıstrler konferensııasynyń mańyzdy nátıjelerin qamtamasyz etý maqsatynda DSU kún tártibindegi barlyq sheshilmegen máseleler boıynsha pikirtalasqa syndarly túrde úles qosýǵa daıyn ekenin atady.
DSU Bas dırektory Robertý Azevedý Qazaqstan Prezıdentine jáne Úkimetine mınıstrler konferensııasyn ótkizýge daıyn ekendigine rızashylyǵyn bildirip, bul qadam eldiń kópjaqty saýda júıesiniń qundylyqtary men qaǵıdattaryn ustanatyndyǵyna rastaý bolyp tabylatynyn atap ótti.
Mınıstrler konferensııasy DSU-nyń joǵary basqarýshy organy bolyp tabylady, ol eki jylda bir ret kezdesedi. Ýákiletti organnyń ókilettikteri kópjaqty saýda kelisimderi sheńberinde barlyq máseleler boıynsha, sonyń ishinde halyqaralyq saýdany retteıtin jańa pánderdi bekitý týraly sheshim qabyldaý quqyǵyna ıe.
DSU mınıstrlik konferensııasynyń eń mańyzdy nátıjesi - saýdaǵa járdemdesý týraly kelisim jáne aýyl sharýashylyǵy ónimderine eksporttyq sýbsıdııalardy berýge tyıym salý.
Qazirgi tańda balyq sharýashylyǵyn sýbsıdııalaýdy retteıtin jańa tártipti úılestirý perspektıvalyq kelissóz júrgizý baǵyty bolyp tabylady. Budan basqa, agroónerkásiptik keshende sýbsıdııalardyń tóbesin odan ári tómendetý, qyzmetter sektoryndaǵy saýdany yryqtandyrý jáne elektrondyq kommersııany retteý sııaqty máseleler boıynsha belsendi kópjaqty talqylaýlar bar.
DSU-nyń 12-shi Mınıstrlik konferensııasy jumysyna 164 múshe-elderdiń saýda mınıstrleri men 20 DSU baqylaýshylary qatysady dep kútilýde, al is-sharaǵa qatysýshylardyń jalpy sany tórt myńnan asady.