Ultymyz qaı salada bolmasyn, talanttarǵa kende emes. Al sportta juldyzy jarqyraǵan qazaqtyń biri Jaqsylyq Úshkempirov ekenin eli qalaı umytsyn?! Sonymen búgin «sóıleıtin» sýret tanymal fototilshi, ulttyq sporttyń fotoshejiresin tynymsyz jalǵap kele jatqan Iýrıı Bekkerdiń qorjynynan shyqty.
– Álbette bul foto 1980 jyly túsirildi. Jaqsylyq Úshkempirov Máskeý Olımpıadasynan jeńispen oralǵanda qýanbaǵan adam joq. Abyroıly azamatty halyq qushaq jaıyp qarsy aldy. Olımpıadaǵa qatysýshylar sherýi Almatydaǵy M.Iý. Lermontov atyndaǵy akademııalyq orys drama teatrynda ótti. Otyzǵa kelgende orda buzǵan sańlaq sportshymen kezdesýge, quttyqtaýǵa kelgenderdiń qarasy kóp boldy. Men ol kezde KazTAG-tyń jas fototilshisi retinde osy saltanatty sharany, aıtýly oqıǵany túsirýge bardym. Sahnada ataqty boksshy Serik Qonaqbaev ta otyr. Ol kezde ekiniń biri qazirgideı smartfonǵa sart etkize almaıdy. О́zim úshin de kózime ystyq bul sýretti Olımpıada chempıonyna estelik retinde bergen-bermegenim esimde qalmapty. Sondyqtan túsirilgenine 38 jyl óte shyqqan foto dańqty tulǵaǵa da tosynsyı bolýy ǵajap emes, – deıdi Iýrıı Bekker.
Aınash ESALI, «Egemen Qazaqstan»
ALMATY