Búgin QR Úkimetiniń otyrysynda Premer-Mınıstr Baqytjan Saǵyntaev bilim berýdi jáne ǵylymdy damytýdyń 2016–2019 jyldarǵa arnalǵan memlekettik baǵdarlamasynyń iske asyrylý barysyn qaraý qorytyndysy boıynsha jastardy kásibı bilim berýmen qamtý jáne tehnıkalyq kadrlardy daıarlaý boıynsha birqatar naqty tapsyrmalar berdi.
Máseleni qaraý qorytyndysyn shyǵara otyryp, Baqytjan Saǵyntaevtyń aıtýynsha, memleket bilim alýǵa nıetti barlyq azamatqa keńinen qoldaý kórsetip jatyr. Memleket basshysynyń tapsyrmasy boıynsha «Barshaǵa arnalǵan tegin kásiptik-tehnıkalyq bilim berý» jobasy iske asyrylýda, onyń aıasynda ótken jyly memlekettik tapsyrys 75 myńnan 100 myń orynǵa deıin ulǵaıtyldy. Sonymen qatar, 14–24 jas aralyǵyndaǵy jastardy qamtý tómen deńgeıde — 17% qalyp otyr. Kəsibı baǵdarlaý jəne tárbıe jumystarynyń jetkiliksizdigi jastardyń jumyssyz júrýine, olardyń əleýmettik oqshaýlanýynyń ósýine ákeledi.
Osyǵan baılanysty Bilim jáne ǵylym mınıstrligine ákimdermen, «Atameken» UKP-men birlesip, jumyssyz júrgen jastardy kásiptik bilim berýmen, qysqa merzimdi oqytýmen, beıresmı jáne qosymsha bilim berýmen qamtý boıynsha júıeli sharalardy qabyldaý tapsyryldy.
Ekinshiden, joǵary oqý oryndarynda jáne kolledjderde alatyn mamandyqtar ekonomıka salalarynyń, ásirese sıfrlyq salanyń qajettilikterine únemi sáıkes kele bermeıdi. Kadrlardy daıarlaýǵa arnalǵan memlekettik tapsyrys kásipterge suranys negizinde qalyptasady, bul óńirlerge jumys saparlary kezinde ótken kezdesýlerde de rastaldy.
Osyǵan oraı, Bilim jáne ǵylym, Eńbek jáne halyqty áleýmettik qorǵaý mınıstrlikterine ákimdermen birlesip, ekonomıkanyń kadrlarǵa degen naqty qajettilikterin eskere otyryp, bilim berý baǵdarlamalaryn jetildirý boıynsha birlesken jumysty jalǵastyrý tapsyryldy.
B. Saǵyntaev halyqpen keri baılanysty retteýdi, oqýshylardyń kópshiliginiń, muǵalimderdiń jáne ata-analardyń múddelerin qozǵaıtyn jańalyqtar boıynsha túsindirý jumystaryn ýaqytyly júrgizýdi tapsyrdy. Bilim jáne ǵylym mınıstrligine jurtshylyqpen, óńirlermen keri baılanysty arttyrýdyń, sonyń ishinde Memlekettik baǵdarlamanyń kórsetkishterin oryndaýǵa monıtorıng júrgizýdiń tıimdi quraldaryn qurý tapsyryldy.
Baqylaý jumystary Premer-Mınıstrdiń orynbasary E. Dosaevqa júkteldi.