2019 jyldyń 1 qańtarynan bastap «Samuryq-Qazyna» qory óziniń qorjyndy kompanııalarynan qaǵaz hattardy qabyldamaıdy.
Osylaısha Holdıng hattardy jiberý shyǵyndaryn 100% tómendetýdi, hattardy óńdeý jyldamdyǵyn aıtarlyqtaı arttyrýdy, oryndaýshylyq tártipti jaqsartýdy, mańyzdy qujattar boıynsha merziminen keshigý kórsetkishterin tómendetýdi josparlaǵan. Osynyń arqasynda ýaqytpen qatar qarjy únemdeledi: 2022 jylǵa deıin ekonomıkalyq áser jarty mıllıard teńgeni quraıdy.
Bıylǵy shildede «Samuryq-Qazyna» AQ Basqarma tóraǵasy Ahmetjan Esimovtiń tapsyrmasymen qaǵazsyz qujat aılanymyna ótý josparyn ázirleý boıynsha jumys toby quryldy. Ol mekemelerdiń tehnıkalyq múmkindigin jáne ESQ arqyly hat almasýǵa ótý daıyndyǵyn anyqtady. Búginde hat almasýdyń 17% ǵana qaǵazsyz júzege asady, al kompanııalardyń 36%-da elektrondyq qujat aılanymynyń tıisti júıeleri joq.
Eger qazir qorjyndyq kompanııalardan, ásirese shalǵaıda ornalasqan kompanııalardan jiberilgen qujattardy tirkeý jáne óńdeý 2 apta ishinde júzege assa, jańa bastama iske asqannan keıin hattardy óńdeý jyldamdyǵy 1 mınýtqa deıingi ýaqytty quramaq. Bul úshin Aqparattyq tehnologııalar departamentiniń qyzmetkerleri Qordyń 129 kompanııasynda elektrondyq qujat aınalymynyń biriktirilgen júıesin iske qosady.
Joba júzege asqan soń, Qor jáne enshiles mekemeler memlekettik organdarmen, uıymdarmen jáne basqa zańdy tulǵalarmen qaǵazsyz hat almasa alady.
Sonymen birge Qor turaqty túrde ishki prosesterdi ońtaılandyryp, qaǵazbastylyqty tómendetýdi josparlap otyr.