QR Energetıka vıse-mınıstri munaı, ken óndirý isindegi josparlarmen bólisti, dep habarlaıdy QazAqparat.
QR Energetıka vıse-mınıstri munaı, ken óndirý isindegi josparlarmen bólisti.
«2018 jyly Qashaǵannan 12 mıllıon tonna munaı óndirýdi josparlap otyrmyz. Árıne, munymen shektelip qalmaımyz. Biz ken ornyn óńdeýdiń alǵashqy kezeńinde kele jatyrmyz. Ken ornynyń múmkindikterin keńeıtý boıynsha tujyrymdamany aıaqtaǵan soń, Qashaǵannan munaı óndirý kólemin arttyrýǵa kóshemiz. Atalmysh ken ornynyń bolashaǵy zor», - dedi M.Myrzaǵalıev.
Sondaı-aq Maǵzum Myrzaǵalıev óz sózinde Qazaqstan munaıdy esh kedergisiz eksporttaı alatynyn aıtty.
«Bizde eksporttaıtyn baǵyttarymyz bar. Qashaǵan munaıy Kaspıı qubyr jelisi konsorsıýmynyń baǵyty boıynsha Qara teńizge jáne álemdik naryqqa jetkiziledi. Bizde Kaspıı baǵytyn damytý boıynsha arnaıy josparlar bar. Sondaı-aq, Aqtaý teńiz porty, Quryq porty arqyly Baký, Mahachkalaǵa tasymaldaýǵa múmkindik bar. Elimizdiń energııa resýrstaryn esporttaýda eshqandaı kedergiler kórip turǵan joqpyz», - dedi energetıka vıse-mınıstri.