Batys Qazaqstan oblysynyń eki oblystyq, 12 aýdandyq gazetterin biriktirgen «Jaıyq Press» medıaholdınginde jýrnalısterdiń bilimin jetildirýge arnalǵan semınar-trenıng ótti. Jergilikti tilshiler Almatydan arnaıy shaqyrylǵan belgili medıatrener, Súleımen Demırel ýnıversıtetiniń oqytýshysy Ashat Erkimbaıdyń dáristerin qyzyǵa tyńdady.
- Ashat Erkimbaı - belgili medıatrener, bloger, mýltımedıa, jańa medıa boıynsha shetelde tereń bilim alǵan, tynymsyz eńbektenip, osy taqyryptarǵa arnaıy oqýlyq jazyp júrgen aıtýly maman. Búgin attaı qalap, ózderińiz úshin arnaıy aldyryp otyrmyz. Alatyn dəristerińiz barynsha qyzyqty, paıdaly bolyp, bilimge, óz qyzmetińizge degen qyzyǵýshylyqty arttyrady dep senemin, - dedi ekikúndik semınardy ashqan «Jaıyq Press» medıaholdınginiń bas dırektory Raýan Səbıtuly.
Dáriske qatysqan jergilikti tilshilerdiń pikirinshe, semınar-trenıng óte qyzyqty, kásibı paıdaly bolǵan. О́zara pikir almasý oıyn túrinde uıymdastyrylǵan dəriske qatysýshylar belsendi qatysyp, kóp tájirıbe jınaqtaǵan. Seriktestikke qarasty 2 oblystyq jáne 12 aýdandyq basylymnyń 40-qa jýyq jýrnalısi «Jańalyqtyń sapasyn anyqtaý joldary», «Internette aqparat izdeý júıelerin jýrnalıst jumysynda beıimdeý», «Mýltımedıaly kontent jasaý ádisteri» taqyryptarynda dáris tyńdap, medıanyń zamanaýı jańalyqtaryna qanyqty.
- Oral óńiriniń jýrnalısterimen alǵash ret kezdesip otyrmyn. Kezdesýdiń birinshi kúni New York-tegi Stony Brook University kýrsynyń «Medıa saýattylyq» modýliniń bir taraýyna arnaldy. Byltyr Poznan Ýnıversıtetindegi (Polsha) jınaǵan tájirıbemmen bólistim. Fakti men pikirdiń aıyrmasy, jýrnalıstıkadaǵy mátinniń túrleri qarastyryldy. Al ekinshi kún kóbine mýltımedıaǵa arnaldy. Aqparatty tıimdi izdeý jáne áleýmettik jelini aqparat kózi retinde qoldaný jaǵyn talqyladyq. Sońyna qaraı vızýaldy kontent jasaýǵa kiristik. Praktıkalyq túrdegi tapsyrmany qatysýshylar sońyna deıin jasap úlgerdi. Árıne, berilgen alty saǵat azdyq etti. Onyń ústine úsh túrli topqa bólingen soń, aýdıtorııanyń deńgeıi de ártúrli. Negizgi maqsat – qatysýshylar arasynda jýrnalıske kerek daǵdyny qalyptastyrý, ári qaraı izdenýge, úırenýge qajetti resýrstardy tanystyrý jáne ózara yntymaqtastyqty arttyrý edi. Bul «Jaıyq Press» qolǵa alyp otyrǵan úlken jumystyń basy dep uǵyp otyrmyn. Oral óńirindegi jýrnalıstıkany jańa deńgeıge kóterýdi jýrnalısterdiń basyn qosyp, trenıng ótkizýden bastaýy durys sheshim boldy. Medıaholdıng basshysy Raýan Sábıtulyna jáne onyń komandasyna sáttilik tileımin! – deıdi Ashat Erkimbaı.
Jýrnalıst mamandaryn daıyndaıtyn dástúrli ortalyqtardan shalǵaı jatqan Aq Jaıyq óńirinde jergilikti tilshilerdiń kásibı biliktiligin arttyrý, tereńdetý isi óte ózekti bolyp tur. Bul ásirese memlekettik basylymdarda baıqalady. Sondyqtan mundaı semınar-trenıngter bolashaqta da jıi uıymdastyrylyp turmaq.
Qazbek QUTTYMURATULY,
«Egemen Qazaqstan»
Batys Qazaqstan
Sýretti túsirgen
Dınara KENDIRBAEVA