Búgin Stanımır Stoılovtyń qatysýymen baspasóz máslıhaty bolyp ótti. Basty sebep 6-qyrkúıek kúni ótetin Qazaqstan - Grýzııa matchy jaıly boldy.
- Eń aldymen barlyq Qazaqstandy konstıtýsııa kúnimen quttyqtaımyn. "Astana" komandasy da keshe keremet syılyq jasady dep oılaımyn. Mereke merekege ulasty. Endi osy izdi bizde jalǵap, Grýzııany jeńsek deımiz. О́z alańymyzda toptaǵy myqty qarsylasty utýǵa tyrysamyz. Sebebi, koefısent jaǵynan da, reıtıng jaǵynan da bizdiń toptyń nómiri birinshi komandasy - Grýzııa. Oqý-jattyǵý jıyndaryn odan ári "Astana-Arenada" jalǵastyramyz. Barlyq fýtbolshymyz daıyn, jaraqat alǵan eshkim joq. Tek kóptegen fýtbolshylarymyzdyń sporttyq baby nashar. Olar legıonerlerdiń kesirinen kóptegen oıyndarda alańǵa shyǵa almaǵan. Mysaly, "Astana" oıynshylary Beısebekov, Murtazaev, Zaınýtdınovtar sońǵy 2 aıda 3-4 oıynǵa ǵana qatysqan. Bul men úshin de, fýtbolshylardyń ózderi úshin de oılanatyn nárse.
- Grýzııa quramasyn zerttegenińiz ras. Qarsylastyń bapkeri Vladımır Vaıs únemi jartylaı qorǵaýshylardy myqtap daıyndaıdy. Grýzııanyń qaı ereksheliginen qorqaqtaısyz?
- Grýzııa óte tegeýrindi qarsylas. Olardyń oıynshylar quramyn qarasańyzdar kileń Eýropanyń iri ujymdarynda oınaıtynyn baıqaısyz. "Genk", reseılik "Krasnodar", "Lokomotıv", "Krylıa Sovetov" sekildi ujymdarynda óner kórsetedi. Olar tegis babynda júrgender desem artyq emes. Sondyqtan da, olardyń komandalyq oıynynan qorqýymyz kerek. Biraq, fýtbolda aıaqdopshylardyń aty men ataǵy kóp nárse sheshpeıdi. Eger biz jaqsylap daıyndalyp, jeńgimiz kelip, jigerlenip shyqsaq onda alynbaıtyn qamal joq. Basty maqsatymyz - 3 upaı. Biraq odan keıin Andorrany da umytpaýymyz kerek. Jelpinip júrip, ertesine Andorraǵa utylyp qalsaq, uıat bolady. Keıde fýtbolda ondaı jaǵdaılar da bolyp turady emes pe?
- Ulttyq quramanyń qorǵanysy "Astana", jartylaı qorǵanysy "Astana" men "Qaırat", al shabýyl óti ózgelerden quralǵan desek te bolady. Chempıonatta ótken joly het-trık jasaǵan Alekseı Shetkın osy joly negizgi quramda alańǵa shyǵýy múmkin be?
- Alekseı jalpy jaqsy shabýylshy. Biraq, oǵan bapkerlerdiń senimi az bolyp júr. "Astanada" tek ishki birinshilikte bolmasa, eýrokýbokte kóp alańǵa shyqpaıdy. Ol sonyń saldarynan ózine senimdilik ala almaı júr. Grýzııaǵa qarsy oıynda ol negizgi quramda alańǵa shyqpaıtyn shyǵar.
Ermuhamed Máýlen