2018 jyldyń tamyz aıynyń 27-i kúni jedel jumystyń ımıdjin jáne jedel qyzmetterdiń kásibı deńgeıin arttyrý maqsatynda «Úzdik jedel ýákil» baıqaý-konkýrsy ótkizildi, dep habarlaıdy Qyzylorda OIID Baspasóz qyzmeti.
Atalmysh baıqaýǵa Qyzylorda oblysynyń Ishki ister departamentiniń Krımınaldyq polısııa basqarmasy, Uıymdasqan qylmysqa qarsy kúres basqarmasy, Esirtki bıznesine qarsy kúres basqarmasy, Ekstremızmge qarsy is-qımyl basqarmasy, Qyzylorda QIIB-y, aýdandyq ishki ister bólimderiniń jáne QR IIM-niń Baıqońyr qalasyndaǵy ókildiginiń krımınaldyq polısııa bóliminiń qyzmetkerleri qatysty.
Erejege sáıkes, «Úzdik jedel ýákil» baıqaý-konkýrsyna óziniń qyzmettik mindetterin adal oryndaıtyn 16 jedel qyzmetkerler qatysyp, ózderiniń sheberlikterin kórsetti.
Baıqaýǵa qatysýshylar atys, dene shynyqtyrý daıyndyǵy jáne kúrestiń jaýyngerlik tásilderi boıynsha synaqtardy tapsyrý arqyly ekstremaldyq jaǵdaılardaǵy is-qımyldarǵa jaramdylyqqa synaqtan ótti.
Saıys barysynda departament bastyǵynyń birinshi orynbasary polısııa polkovnıgi Ǵanı Tólebaev barlyq qatysýshylarǵa sáttilik tiledi.
Konkýrs nátıjesimen «Úzdik jedel ýákil» nomınasııasy OIID Krımınaldyq polısııa basqarmasynyń aǵa jedel ýákili polısııa kapıtany Ǵanı Muqanovqa berildi.
Ekinshi oryndy Qyzylorda QIIB krımınaldyq polısııa bóliminiń jedel ýákili polısııa aǵa leıtenanty Beıbarys Qalymbetov, úshinshi oryndy QR IIM-niń Baıqońyr qalasyndaǵy ókildiginiń krımınaldyq polısııa bóliminiń jedel ýákili polısııa aǵa leıtenanty Maqsat Sarbasov ıelendi.
Jeńimpazdar Departamenttiń gramotalarymen jáne dıplomdarymen marapattalyp, olarǵa estelik syılyqtar tabystaldy.