Qaraǵandy oblysyna jumys sapary barysynda Elbasy jas jubaılardyń neke qııý rásimi ótip jatqan jańa «Aq saraı» saltanat saraıyna bardy, dep habarlaıdy Aqordanyń baspasóz qyzmeti.
Qazaqstan Prezıdenti jas otaý ıelerin quttyqtap, olarǵa baqyt, shańyraqtaryna bereke tiledi.
– Erteń Qazaqstanda Otbasy kúni atalyp ótedi. Kóp adam úshin baqyt degenimiz – otbasy jáne balalary. Sizderdi ómirlerińizdegi eń jarqyn oqıǵamen quttyqtaımyn! – dedi Nursultan Nazarbaev.
Memleket basshysy otbasy ınstıtýtyn nyǵaıtýdyń jáne elimizdiń jas urpaǵyn tárbıeleýdiń mańyzdylyǵyn atap ótti.
Jas shańyraq ıeleri Qazaqstan Prezıdentine jas otbasylardy qoldaý baǵytynda júrgizilip jatqan saıasaty úshin, sonyń ishinde «7-20-25» baǵdarlamasy úshin alǵys bildirdi.
Jańa saltanat saraıy «Rýhanı jańǵyrý» baǵdarlamasy aıasynda jeke kásipkerdiń qarajatyna salynǵan.