Qyzylorda qalalyq Ishki ister basqarmasy Jergilikti polısııa qyzmetimen, Krımınaldy polısııa bólimimen birlesip oblys ortalyǵynda qalta urlyǵymen kúresý, qylmystardy ashý jumystaryn jandandyrý, aldyn alý jáne tıimdiligin arttyrý maqsatynda «Qalta urlyqtarynan saq bolyńyzdar!» is sharasyn júrgizdi, dep habarlaıdy Qyzylorda QIIB baspasóz qyzmeti.
Tártip saqshylary turǵyndarǵa eskertý, qala aýmaǵyndaǵy halyq kóp shoǵyrlanatyn bazarlar men saýda ortalyqtarynda, marshrýttyq avtobýstarda býkletter japsyryp, satýshylar men avtobýs kondýktorlaryna túsindirme jumystaryn júrgizip, qalta urlyǵymen aınalysatyn jáne sottalǵan tulǵalardyń sýretteri salynǵan býkletter taratty.
Uıymdastyrylǵan profılaktıkalyq shara barysynda polıseıler qala turǵyndaryna qarapaıym saqtyq erejelerin saqtaı otyryp, qundy zattarynyń, onyń ishinde uıaly telefondarynyń jáne ámııandarynyń urlanýynyń aldyn alýǵa bolatyndyǵy jóninde túsindirme jumystaryn ótkizdi. Sonymen qatar buryn qalta urlyǵymen sottalǵandar arasynda da profılaktıkalyq sharalar júrgizilýde.
Qaýipsizdik sharalary týraly mundaı túsindirý jumystaryn tártip saqshylary turaqty túrde ótkizbek.