Kaspıı jaǵalaýyndaǵy dostyq dýmany

Mádenıet jáne sport mı­nıs­trligi, Mańǵystaý ob­lysynyń ákimdigi já­ne Halyqaralyq TÚRKSOI uıy­my­nyń qol­daýy­men uıym­das­tyrylǵan óner ále­mindegi aıtýly mádenı oqı­ǵaǵa otandyq jáne sheteldik teatr ujym­dary qatysyp, tórt kúnge sozylǵan dýman Mań­ǵystaý jurtshylyǵyn tek qana sahna sıqyry syılar bekzat ónerdiń shyn mánindegi rýhanı qýa­ny­shyna keneltti. 

Teńiz jaǵalaýynda boı kóter­gen dala sahnasyn­da sal­ta­natty túrde shy­myl­dyǵy túrilgen Kaspıı jaǵalaýy elderiniń II Ha­lyq­aralyq teatr fes­tıva­liniń ashylý rásimine Mań­ǵystaý oblysynyń ákimi Eraly Toǵjanov, qalanyń qurmetti azamattary, son­daı-aq Qazaqstannyń eń­bek sińirgen qaırat­ker­leri, halyq ártisteri men elimiz­diń teatr salasyn­da uzaq jyldan beri qyzmet etip júrgen birqatar tul­ǵalary qatysty. Atap ót­sek, mártebeli meı­mandar qata­rynda Asanáli Áshimov, Esmuhan Obaev, Lıdııa Ká­de­nova, Talǵat Temenov, Bek­­jan Turys syndy teatr men kıno óneriniń maıtal­man­dary bar. Mádenı shara álqıs­sasyn oblys ákimi Era­­ly Toǵjanov ashyp berdi. 

Aıtýly shara qazaq dalasynyń bir­týar uly Nurmuhan aǵa­myzdyń rýhyna, 90 jyldyq mereıtoıyna arnalady. Ortamyzda el­diń abyroıyn asqaqtatyp, rý­hyn aspandatar namys­ty, ult­­jandy azamattar júr. Barshańyzdyń qoldaýyńyzdyń, nıet­tes­tikterińizdiń arqasynda osyndaı úlken sharany aqı­qatqa aınaldyrǵanymyzdy maq­­tanyshpen aıtamyn jáne bar­lyǵyńyzǵa zor al­ǵy­symdy bildiremin. Ult­­tardyń, mem­leket­ter­diń, jalpy muqym túr­ki eliniń oı-ıdeıasy bir maqsat pen ortaq múdde jolynda toǵyssa, biz almaıtyn qamal joq. Barshańyzǵa sát­tilik tileımin», dep oblys ákimi festıval uıym­dastyrýshylary men qa­ty­sýshylaryna jyly lebizin bildirse, KSRO ha­lyq ártisi Asanáli Áshimov za­mandas aǵasy, ańyz akter Nurmuhan Jantórın ja­ıyndaǵy este­lik­terimen bólisti. 

«Nurmuhan sózin «Oı, opasyz!» dep bastaýshy edi. О́ziniń jaqsy kórgen adam­­darymen osylaı qa­rym-qatynas jasaıtyn. Minezd­i, birbetkeı bolatyn. Sonysymen de kóp ishinen daralanyp, kózqarasymen, ishki mysymen talaıdy taısaltatyn. Eń alǵash óner tabaldyryǵyn attaǵanda biz úlgi tutatyn, uqsa­ǵymyz keletin tulǵalardyń biri – osy Nurmuhan aǵamyz edi. Keıin aǵalyq qamqorlyǵyn kóp kórdik. Eliktep er jettik. Qaı­talanbas óneri turǵanda Nur­muhan esimi ólmeıdi, máńgilik jasaıdy. Biz ony árkez áńgimemizge arqaý etemiz, jazylatyn kitabymyzǵa qosamyz», dedi Asanáli Áshimov. 

Qýantarlyǵy, Kaspıı jaǵa­laýy elderiniń mádenı úndes­tigin, birligin, kásibı óner almasýyn maqsat tut­­qan festıval ótken jyl­ǵymen salystyrǵanda geo­grafııalyq aýqymyn ǵa­na emes, kórkemdik sapa men mán-mazmunyn da santarap­tandyryp, baıyt­qanyn ańǵarýǵa bolady. Máselen, festıvaldyń byltyrǵy baǵdarlamasyna barlyǵy 4 ujym qatyssa, bıyl olardyń qatary 8 teatrǵa artty. Atap aıtar bolsaq, Qa­zaqstan atynan qatysatyn Ǵ.Mú­sirepov atyndaǵy Qazaq mem­­lekettik akademııalyq bala­lar men jasóspirimder tea­try­nyń orys jazýshy M.Gor­kıı­diń shyǵarmasy boıynsha qoıylǵan «Shyńyraý» (re­jısseri D.Bazarqulov), Aqmola oblystyq orys drama teatryn tanystyrǵan Sh.Aıt­­matovtyń «Jan pıda» (rejıs­seri Sh.Dı­qanbaev) jáne N.Jantórın atyndaǵy Mań­ǵystaý oblystyq mýzykalyq drama teatry ujymy usynǵan A.Kamıýdiń «Kalıgýla» (rejıs­seri G.Merǵalıeva) qoıyl­ym­darynan bólek, qonaq teatrlar qataryn: S.Amýtbaev atyndaǵy Men­zelın memlekettik tatar drama teatrynyń «Ibilis» (rejısseri Sergeı Pota­pov), ırandyq Bıleh Savar Barbod teatr tobynyń «Alystap ket­tiń sen menen» (rejısseri A.Sagedı), Túrikmenstannyń Kemı­ne atyndaǵy Mary memle­kettik drama teatry ujymynyń «Eskeksiz qaıyqpen mahabbat muhıtynda» (rejısseri  P.Hýdaıbergenov), Ýfa memle­kettik tatar «Nur» tea­try dodaǵa qosqan R.Shım­­melpfennıgtiń «О́t­kennen kelgen áıel» (re­jıs­seri B.Ibragımov), Ázer­­­baı­jan memlekettik Ult­tyq akade­mııalyq drama teatrynyń «Iýda» (re­jısseri A.Sadygov) qoıy­lymdary tolyqtyrdy. Ár eldiń mádenıetimen qa­tar, ulttyq bolmysy hám rý­ha­nı kelbetin áıgilegen sah­­nalyq týyndylardy ózine tán boıaýy men baǵytyna saı Qaza­qstannyń Eńbek Eri, KSRO jáne Qazaq­stannyń ha­lyq ártisi Asan­áli Áshimov, Qazaq­stan­nyń halyq ártisi, Táýel­siz «Platınaly Tar­lan» syı­lyǵynyń laýrea­ty Esmuhan Obaev, Qazaq­stannyń halyq ártisi, professor Talǵat Temenov, Ázerbaıjan Res­pýb­­­lı­kasynyń eńbek sińirgen óner qaıratkeri, óner­taný ǵy­lym­darynyń dokto­ry, Halyq­aralyq teat­r synshylary As­so­sıa­sııasynyń múshesi Israfıl Israfılov, aqyn, Mem­lekettik syılyqtyń laýreaty Esenǵalı Raýshanov, teatr synshysy, Grýzııa zama­­naýı teatrlardy zert­teý orta­lyǵynyń bas dı­rektory, ónertaný ǵylym­darynyń doktory, Grýzııa teatr synshylar odaǵy­nyń vıse-prezıdenti Lasha Chhartıshvılı, Nur­muhan Jantórın atyn­daǵy Mańǵystaý ob­lys­­tyq mýzykalyq drama teatrynyń dırektory, Qa­zaq KSR-iniń eń­bek sińir­gen mádenıet qaı­ratkeri Nur­nııaz Muhanov bastaǵan teatr mamandary saraptady. 

Festıvaldyń jabylý rási­minde sóz alǵan qazylar alqa­synyń tóraǵasy Asan­áli Áshimov teatr sahnasynda alǵash somdaǵan róli­nen úzindiler keltire oty­ryp: «Teatr – shynaıy ónerdiń, adal dostyqtyń, rýhanı baılyqtyń ordasy. Mine, tórt kún boıy Kaspıı jaǵalaýy elde­riniń arasyndaǵy dostyq qatynasymyzdy nyqtaı bildik dep aıta alamyn. Halqymyzdyń birtýar azamaty, uly akter Nur­muhan aǵamnyń árýaǵy barly­ǵymyzdy qoldap júrsin! Festıvalǵa qatysqan barsha teatr ujymyna shyn júregimmen alǵysymdy bildiremin. Kaspıı jaǵalaýy elderi teatrlarynyń má­de­nı-rýhanı yntymaq­tas­tyǵynyń arqasynda dostyq, joldastyq qaty­nasymyz nyǵaıa be­rýine tilektespin», dep uıym­das­tyrý­shylarǵa qazylar alqasy músheleriniń atynan alǵysyn jetkizdi. 

Sóıtip tórt kúnge jal­ǵas­­qan aıtýly óner dýmany óz máresine jetip, sarap­shylar alqasynyń she­shimimen Nur­muhan Jan­tórınniń 90 jyldyǵyna arnalǵan Kaspıı jaǵalaýy elderiniń II Halyq­aralyq teatr festıvaline qaty­sýshy barlyq teatr ujymy úzdik óner kórsetkenderi úshin arnaıy dıplom jáne baǵaly syılyqtarmen marapattaldy. Sondaı-aq kıeli teatr sahnasynda tamasha qoıylymdaryn usynyp, kásibı tájirıbe almasqan sahna mamandaryna TÚRKSOI Halyqaralyq túrki má­denıeti uıymynyń este­­lik syılyqtary da qosa tabys etildi. Qart Kas­­pıı jaǵalaýyn tórt kún boıy dýmanǵa bóle­gen dos­tyq festıvali teatr ále­min jańasha serpil­tip, túbek tórinde bas qosqan óner ujym­daryn shyǵar­mashylyq tyń bas­tamalarǵa jetelegeni sózsiz.

Nazerke JUMABAI, 

«Egemen Qazaqstan»