Gaz salasyn sıfrlandyrý josparlary iske qosylýda

Jaqynda Qazaqstannyń gaz salasynda derekter berý­diń ınnovasııalyq tehnologııa­laryn tájirıbege en­gizý maq­satynda Qos­tanaı qala­synda gaz kórset­kishterin qa­shyq­tan jınaý úshin «aqyl­dy» gaz eseptegishter ornatý jónindegi qanatqaqty joba jumys isteı bastady. Qostanaı qalasynda «Sıfrly Qazaqstan» mem­lekettik baǵdarlamasy aıasyn­da 60 «aqyldy» gaz esep­tegish qondyrǵylar ornatyldy. Bul «QazTransGaz Aımaq» AQ pen «Beeline» uıaly telefon opera­torlarynyń birlesken jo­basy retinde alǵash ret Qos­tanaı qalasynda júzege asyryldy.

Oblys ortalyǵyndaǵy úı­ler­ge osyndaı 60 ınnova­sııa­lyq eseptegish qural ornatyldy. Jańa eseptegish quraldar arqyly gaz esepteý men onyń shyǵyndaryn baqylaý je­ńil bolady, olar elektrondy júıemen tirkeledi jáne adamı faktordy joqqa shyǵarady. Gaz aýaǵa taraǵan jaǵdaıda «aqyldy» eseptegish qural ony anyqtap, jedel túrde baqy­laýshy kompanııaǵa habar beredi. Sonymen qatar gazdy turmysta paıdalaný kezinde týyndaıtyn qaýipti jaǵdaılardan qorǵaý deńgeıi artady. Endi kórsetkishterdi qashyq­tan jazyp alý aspaptary ornatylatyn qalalarda baqylaýshylar úı-jaılarǵa baryp júrmeıtin bolady. Bul ózin gaz kompanııasynan­myn dep tanystyryp, tutyný­shylardy aldap soǵatyn alaıaqtardan saqtaıdy. Sonymen qatar baqylaýshylar da úılerdi aralaý kezinde kezdesetin daý-janjaldardan aýlaq bolady. Dáldigi joǵary ólsheý aspaptaryn qoldaný – gazdy  tutyný­shy azamattarǵa da, memleketke de paıdaly. Bul – qarajatty únemdeý­ge, gaz ysyrabyn bol­dyr­maý­ǵa kómek­tesedi, eń bastysy, gaz berý servısin jetildirip, qaýipsizdikti arttyrady.  «Aqyldy» eseptegishterdiń jumysy derekterdi uıaly baılanys jelileri arqyly berý tehnologııasyna negiz­delgen. Osy ınnovasııalyq tehnologııanyń erekshelikteri negizinde túp­kilikti qondyrǵy­lardyń (esep­teýishter, datchıkter) ener­gııanyń az tutyny­lýyna qol jetkiziledi,  aspaptar akkýmýlıatorynyń jumys isteý merzimin 10 jylǵa deıin uzar­týǵa múmkindik beredi. Bu­ǵan qosa bul tehnologııalar qon­dyr­ǵylar men bazalyq stansa ara­synda qaýipsiz qosylýdyń joǵa­ry deńgeıin qamtamasyz etedi. 

Biz Qostanaı qalasyndaǵy gaz qyz­metin kórsetý mekemesiniń jaýap­ty qyzmetkerlerimen birge «aqyldy» gaz eseptegishter orna­tyl­ǵan úılerdi arala­dyq. Qanat­qaqty joba retinde ornatylǵan bul qondyrǵylar eshqandaı aqaýsyz jumys istep tur. Gaz eseptegish qon­dyrǵylar ornatylǵan úılerdegi turǵyn­dardyń aıtýynsha, bul joba óte tıimdi kórinedi. Onyń ús­tine qanatqaqty joba aıasynda 60 qon­dyrǵy qostanaılyqtarǵa tegin orna­tylyp berildi. «Aqyldy» gaz eseptegishterdi jeke­menshik úılerge ornatý shyǵy­nyn «QazTransGaz Aımaq» jáne «Beeline» kompanııasy kóterip otyr. Innovasııalyq «aqyldy» gaz eseptegish qondyrǵy ornatyl­ǵan páter ıeleriniń biri biz­­ben áńgi­me­sinde: «Bul gaz esep­t­egish qural­dardyń ornatylǵany­na bir aıdyń júzi boldy. Osy ýaqyt ishinde biz onyń qara­paıym mehanıkalyq gaz eseptegish­terden artyqshylyǵyn anyq sezinip úlgerdik. Endi úıi­mizge gaz kórsetkishin tek­se­­re­tin baqylaýshylar kel­meı­tin bolady, qondyrǵy gaz kór­setkishterin qashyqtan berip otyrady. Gaz esep­tegishtiń kór­set­kishterin biz de tekserip oty­ramyz. Onyń ústine gaz esep­tegish qondyrǵy úıdiń ishine orna­tylǵan. Bul biz úshin qolaı­ly. Qoryta aıtqanda, biz jańa qon­dyrǵynyń jumysyna rıza­myz», dep mán-jaıdy qanaǵat­tan­ǵandyq sezimmen tolyq baıan­dady.

– Joǵary dáldikpen gaz tutyný kólemin aıqyndaıtyn «aqyldy» gaz eseptegish qondyr­ǵy turǵyndar úshin de, memleket úshin de óte paıdaly. Osyndaı qondyrǵylardyń esebinen biz gaz qubyrlarynyń aqaýyn joqqa shyǵaramyz. Sonymen birge ruqsatsyz gaz qubyrlaryna qosylý oqıǵalaryna da tosqaýyl qoıamyz. Osy ınnovasııalyq qon­dyr­ǵylardyń kómegimen gaz tutyný mólsherin dál eseptep, onyń tutyný qaýipsizdigin de art­ty­ramyz, – deıdi bizben áńgi­mesinde «QazTransGaz Aımaq» AQ-tyń Qostanaı oblysy boıyn­sha turǵyndarǵa jedel qyzmet kórsetý mekemesiniń bastyǵy Danıl Sıabro.

Jylqybaı JAǴYPARULY,

«Egemen Qazaqtan»