29 qyrkúıek kúni M.Áýezov atyndaǵy Qazaq Memlekettik akademııalyq drama teatrynda Qazaqstan Respýblıkasy Mádenıet jáne sport mınıstrliginiń qoldaýymen, Qazaqstan Respýblıkasynyń elordasy – Astana qalasynyń 20 jyldyǵyna oraı Qazaqstan teatrlar Assosıasııasy uıymdastyrǵan elimizdiń teatr óneri qaıratkerleriniń jáne shetel sheberleriniń qatysýymen Respýblıkalyq Praktıkýmnyń ashylý saltanaty ótti, dep habarlaıdy teatrdyń baspasóz qyzmeti.
Qazaqstan teatrlar praktıkasyna teatrdyń zamanaýı formalaryn tanystyrý men engizýge, elimizdegi barlyq dramalyq jáne mýzykalyq-dramalyq teatrlardyń damýy men baılanysyn nyǵaıtýǵa, talantty shyǵarmashyl jastarǵa qoldaý kórsetýge, teatr rejısserleri men óner qaıratkerleriniń kásibıligin arttyrýǵa jáne tájirıbe almasýǵa baǵyttalǵan Respýblıkalyq Praktıkýmnyń elimizdiń túkpir-túkpirinen rejısserler men akterler qatysyp jatyr.
Praktıkýmnyń basty qonaqtary – Shota Rýstavelı atyndaǵy Tbılısı memlekettik teatr jáne kıno ýnıversıtetiniń rektory, A.S.Grıboedov atyndaǵy orys drama teatrynyń bas rejısseri, professor Margvelashvılı Georgıı Nodarovıch pen Halyqaralyq teatr festıvaliniń «Úzdik ssenografııa» nomınasııasynyń jeńimpazy, Álemdik Praga Kvadrıennale laýreaty Tamara Okıhıan.
Atalmysh Praktıkýmǵa qatysýshylar A.Chehovtyń «Apaly sińilili úsheý» pesasy negizinde úzindiler kórsetip, praktıkalyq jumys isteıdi. Shara sońynda Praktıkým qatysýshylaryna arnaıy sertıfıkat tabystalady.
Aıta keteıik, elimizdiń teatr óneri qaıratkerleriniń jáne shetel sheberleriniń qatysýymen ótetin Respýblıkalyq Praktıkým 1 qazanǵa deıin jalǵasady.