Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» AQ túsirgen «13 shaqyrym» derekti fılmi Serbııanyń Krýshevas qalasynda qyrkúıektiń 25-i men 28-i aralyǵynda ótken Halyqaralyq «Rýhy bıik» («Sılnye dýhom») pravoslavıelik fılmder festıvalinde arnaıy júldege ıe boldy.
«13 shaqyrym» derekti fılmi Serik Bodanbaev esimdi zaǵıp týraly baıandaıdy. Qystaýdan óz aýylyna qaraı bet alǵan basty keıipker óz ómiriniń eleýli sátterin eske alyp, óz boıyndaǵy qundylyqtarynyń syryn ashady.
- Bul bizdiń kartınanyń úshinshi júldesi. Osyndaı jetistiterge jetip otyrǵanymyzǵa óte qýanyshtymyz. Festıvaldiń uıymdastyrýshylaryna jáne fılmdi tamashalaýǵa kelip, basty keıipkerdiń ómiri týraly óz oılarymen bólisken kórermenderge alǵysymdy bildiremin, - dedi festıvalde óz fılmin tanystyrǵan rejısser Vladımır Tıýlkın.
Esterińizge sala ketsek, byltyr «13 shaqyrym» fılmi Brazılııada ótken Halyqaralyq «Eńserý» («Preodolenıe») kınofestıvalinde arnaıy júldege jáne Ekaterınbýrg qalasynda ótken HHVIII «Reseı» derekti kıno festıvalinde qazylar alqasynyń arnaıy júldesine ıe boldy.