Elbasy halyqqa arnaǵan Joldaýynda agroónerkásiptik keshenge arnaıy toqtalyp, osy salanyń búkil áleýetin tolyǵymen paıdalaný kerektigin aıtty. О́te oryndy máseleler qamtyldy. Sebebi elimizdiń AО́K áleýeti óte zor. Ony tolyq paıdalaný úshin Elbasy aıtyp ótkendeı, tıisti agrotehnologııalardyń barlyǵyn qoldanýymyz kerek, sonda mol ónimge qol jetkizemiz. Astyqtyń ónimdiligin, shyǵymdylyǵyn arttyra alamyz.
Memleket basshysy mysal retinde «Atameken agro» aıasynda júzege asyrylyp jatqan sharýalardy aıtyp ótti. Biz Baraev ortalyǵy «Atameken agro» sharýa qojalyǵymen birlesip, 500 gektar jerge Baraev ortalyǵynyń bıdaı sortyn ektik. Nátıjesinde qojalyq joǵary ónimge qol jetkizdi. Búginde olar 40-60 sentnerden astyq alyp otyr.
Bıyldan bastap A.Baraev atyndaǵy Astyq sharýashylyǵy ǵylymı óndiristik ortalyǵynda 3 myń gektar jerde dálme-dál eginshilik jobasy júzege asyrylýda. Alǵashqy ónimdi de aldyq. Dálme-dál eginshilik jobasynyń mánisi – sıfrly tehnologııalardy qoldaný, júıeni avtomattandyrý, sol arqyly mol ónimge qol jetkizý. Alǵashqy qorytyndysy boıynsha dálme-dál eginshilik tehnologııasynyń úlken paıda beretinine kóz jetkizdik. Birinshiden, jyl saıyn tyńaıtqyshqa jumsalatyn shyǵyn 20 prosentke azaıdy, hımıkattarǵa jumsalatyn shyǵyn kólemi de 40 prosentke kemidi. О́nimdilik byltyr 10-11 sentner shamasynda bolsa, bıyl gektaryna ortasha eseppen 26,6 sentnerden shyqty. Iаǵnı 1-1,5 esege jýyq artyq ónim alyp otyrmyz. Munyń barlyǵy dálme-dál eginshilik jobasynyń, zamanaýı agrotehnologııanyń arqasy. Elbasy bul máselege der kezinde mán berip otyr. Elimizdiń aýylsharýashylyq taýaryn óndirýshiler osy máselege mán berse, agroónerkásiptik keshenniń áleýeti qýatty bolary sózsiz.
Kenje ABDÝLLAEV,
A.Baraev atyndaǵy Astyq sharýashylyǵy ǵylymı-óndiristik ortalyǵynyń bas dırektory, aýyl sharýashylyǵy ǵylymdarynyń doktory, professor