Qazaqstandyq kásipqoı boksshy Batyr Júkembaev Kanadanyń Kvebek qalasynda ótken boks keshinde meksıkalyq boksshy Patrısıo Morenomen jekpe-jekke shyǵyp, 14-shi jeńisine qol jetkizdi.
Eki boksshy arasyndaǵy jekpe-jek 10 raýndqa josparlanǵan bolatyn. Alaıda kezdesýdiń jetinshi raýndynda Júkembaevtyń búıirden urǵan soqqysynan keıin meksıkalyq boksshy ornynan tura almaı, kezdesýdi jalǵastyrýdan bas tartty. Sondaı-aq ekinshi raýndta otandasymyz Morenony bir ret nokdaýnǵa túsirgen-di.
Osylaısha 27 jastaǵy qazaqstandyq kásipqoı boksshy mansabyndaǵy 14-shi jeńisine qol jetkizdi. Ol 12 kezdesýinde qarsylasyn merziminen buryn jeńgen. Júkembaev óz salmaǵynda álemdik reıtıngte 33-orynda keledi.
Daıyndaǵan Álı BITО́RE,
«Egemen Qazaqstan»