«Altyn júrek» ulttyq syılyǵynyń uıymdastyrýshylary 12 jyldan beri elimizdegi naǵyz meıirban, qoly ashyq jandardy taýyp, mereıin ústem etip kele jatqany aıan. Aınalasyna qarasqan jomart júrekterge alǵys aıtyp el aldynda madaqtap, marapattap júr.
Sonymen Almaty qalasynda qaıyrymdylyq aıasyndaǵy «Altyn Júrek» syılyǵynyń bıylǵy basty úzdik nomınanttary anyqtaldy. Bıyl barlyǵy 300 ótinim kelip tústi.
Atalmysh shara jyl saıyn «Baurzhan» qorynyń bastamasymen, «Nur Otan» partııasy, «Petro qazaqstan» AQ jáne Almaty qalasynyń ákimdiginiń qoldaýymen ótkiziledi.
Osylaısha 4 qazanda ótken sarapshylar keńesinde ár nomınasııa boıynsha úsh úmitkerden anyqtaldy.
Sharanyń mańyzdylyǵy jaıynda ǵalym-medık jáne Amerıka Densaýlyq saqtaý assosıasııasynyń múshesi Almas Sharman: «Altyn júrek» syılyǵymen bıyl birinshe ret tanysyp, úlken tarıhyna úńilý múmkindigi paıda boldy. Bundaı jobalar óte qajet, sebebi olar adamdardy ıgi isterge ıtermelep, qoǵamdy alǵa qaraı jyljytatyn myqty kúsh. О́zim qaıyrymdylyqpen aınalysatyn bolǵan soń, bundaı jobarlar maǵan óte qyzyq. Jalpy, barlyq nomınasııalardy qarastyryp, Densaýlyq saqtaý salasyndaǵy jasalǵan qaıyrymdy ister kóńilimnen shyqty» – deıdi.
Sońǵy ótken qoǵamdyq keńeste ádil-qazylar músheligine qazaqstandyq qoǵamdyq qaıratkerleri men BAQ ókilderi qatysty. Olardyń qatarynda saıasatker Rasýl Jumaly, «Mary Kay Kazakhstan» Bas dırektory Konstantın Kýlınıch, qoǵam qaıratkeri, qaıyrymdylyq jobalarynyń avtory, balalarǵa arnalǵan «Úı oshaǵynyń sıqyrly ertegileri» ertegileriniń avtory Vıktorııa Momınbaeva, «Eco Kultura» QK jetekshisi, áleýmettanýshy Alesıa Nýgaeva syndy qoǵam qaıratkerleri bar.
«Altyn júrek» ulttyq syılyǵy jeńimpazdarynyń esimderi 2018 jyldyń 27 qazan kúni Abaı atyndaǵy Memlekettik akademııalyq opera jáne balet teatrynda belgili bolady.
«Altyn júrek-2018» qoǵamdyq ulttyq syılyǵynyń nomınanttary:
1. «Jetim balalarǵa kórsetken qamqorlyǵy úshin» nomınasııasy
1.«Damiani» zergerlik brendi (Italııa)
2.Olga Batýtına men Ilıa Baıbolatov (Moskva qalasy, RF)
3. Vıktorııa Akateva-Kostyleva (Sankt-Peterbýrg qalasy, RF)
2. «Bilimdi damytýǵa qosqan úlesi úshin» nomınasııasy
1. Eldar Abdrazaqov (Almaty q.)
2. Asylbek Qojahmetov (Almaty q.)
3. Samsung Electronics Central Eurasia (Almaty q.)
3. «Múgedek jandarǵa kórsetken qamqorlyǵy úshin» nomınasııasy
1. Roza Álimhanova (Qaraǵandy q.)
2. Aınur Tajına (Astana q.)
3. Imanǵazy Ibatuly (Atyraý q.)
4. «Sportty damytyp, ony qoldaǵany úshin» nomınasııasy
1. «Qazhrom» AQ transulttyq kompanııasy (Aqtóbe q.)
2. Seıdahmet Qaltaev (Taraz q)
3. Syrym Perdebaev (Prıozersk q.)
5. «Ardagerlerge kórsetken qurmeti úshin» nomınasııasy
1. «Qareket» QQ (Almaty q.)
2. «Detı Rısýıýt Mır» QQ (Almaty q.)
3. «Rahat» AQ (Almaty q.)
6. «Jyl mesenaty» nomınasııasy boıynsha
1. «Tengrinews» portaly (Almaty q.)
2. «KTK» telearnasy (Almaty q.)
3. «www.bestdoctor.kz» medısınalyq portaly(Astana q.)
7. «Aqparattyq qoldaýshy» nomınasııasy
1. Alpamys Sharımov (Oral q.)
2. Baǵdat Samıdınova (Almaty q.)
3. Sergeı Glýshkov (Shyǵys Qazaqstan obl., Shemonaıha aýdany, Pervomaıskıı kenti)
8. «Jyldyń qaıyrymdy adamy» nomınasııasy
1. Marat Iteǵulov (Aqtóbe q.)
2. Aleksandr Vınokýrov (Almaty q.)
3. Arman Mashımov (Semeı q.)
9. «Jyl uıymy» nomınasııasy
1. Aıjan Sqaqova (Almaty q.)
2. «Tazalyk» ekologııalyq jobasy (Almaty q.)
3. «Tele 2 Kazaqstan» kompanııasy (Almaty q.)
10. «Densaýlyq saqtaý salasyna qoldaý kórsetkeni úshin» nomınasııasy
1. Anar Ahmetsına (Aqtóbe obl., Keńqııaq pos.)
2. Andreı Savchýk (Astana q.)
3. Gúlnar Qabylbekova (Almatyobl., g. Ýshtobe)
11. «Qazaqstannyń órkendeýine qosqan úlesi úshin» nomınasııasy
1. Bolat О́temuratov (Almaty q.)
2. Aleksandr Kasısyn (Pavlodar q.)
3. Qaırat Qudaıbergenov(Almaty q.)
12. «Qorshaǵan ortany qorǵaýǵa qosqan úlesi úshin» nomınasııasy
1. «Smelost byt pervym» korporatıvtik qory (Almaty q.)
2. Nurjan Áljanova (Almaty q.)
3. «Shınhan Bank Kazaqstan» AQ (Almaty q.)
Aınash ESALI,
«Egemen Qazaqstan».
ALMATY