«Sherhan Murtazany 11 qazan kúni saǵat 10.00-de M. Áýezov atyndaǵy Qazaq Memlekettik akademııalyq drama teatrynan aqtyq saparǵa shyǵaryp salady. Jazýshy Keńsaı zıratyna jerlenedi. Qoshtasý rásimin ózi týyp-ósken Jambyl oblysy men Almaty qalasynyń ákimdikteri, Jazýshylar odaǵy jáne QR Mádenıet jáne sport mınıstrligi birge uıymdastyrady», - dep habarlady QR Mádenıet jáne sport mınıstrliginiń baspasóz hatshysy Aıdar Qyryqbaı.
Esterińizge salsaq, halyq jazýshysy keshe shamamen 18:30-da Almaty qalasyndaǵy úıinde aýyr naýqastan qaıtys boldy. Jazýshy qyrkúıek aıynda 86 jasqa tolǵan edi.