Búgin Máskeýde álemniń birqatar beldi tennısshileriniń basyn qosqan «Kreml Kýbogy» úshin jarys bastalady. Bul týrnırdiń júlde qory 932 866 AQSh dollaryn qurap otyr.
Reseı astanasynda Qazaqstannyń úsh oıynshysy óner kórsetedi. Áıelder arasynda elimizdiń birinshi raketkasy Iýlııa Pýtınseva búgin Irına Begýmen sheberlik baıqasady. 28 jastaǵy Rýmynııa tennısshisi álemdik reıtıngte 52 oryndy ıelenýde. WTA tiziminde jerlesimiz odan bes saty joǵary tur.
Erler saıysynda Mıhaıl Kýkýshkın Evgenıı Donskoımen kúsh synasady. 28 jastaǵy Reseı sportshysy ATR reıtınginde 105 oryndy enshilese, otandasymyz 72 satyǵa jaıǵasty. Qazaqstannyń taǵy bir tanymal tennısshisi Aleksandr Býblık fransııalyq Per-Iýg Erbermen kezdesedi. Bul básekeler erteń ótedi.
Ǵalym SÚLEIMEN,
«Egemen Qazaqstan»