Iraktyń Basra provınsııasynda sapasyz aýyzsýdan ýlanǵandar sany 111 myńǵa jetti. Bul týraly BUU adam quqyqtary jónindegi Joǵarǵy komıssary keńsesiniń basshysy málimdedi, dep habarlaıdy Al Baghdadia.
Tamyz aıynyń basynda Iraktyń ońtústigindegi Basra qalasynda aýyzsý tapshylyǵy, elektr qýatyn taratýda aqaýlar baıqalǵan.
Sol ýaqyttan beri sapasyz aýyzsýdan zardap shekkenderdiń sany kún sanap artyp keledi. Búginge deıin olardyń sany 95 myńnyń aınalasynda bolǵan. Ýlanǵandar arasynda Eýropa odaǵynyń Iraktaǵy elshisi Ramon Blekýla da bar.
Munyń arty el ońtústigindegi turǵyndardyń jappaı narazylyǵyna ákep soqtyrǵan. Osyǵan baılanysty shuǵyl shaqyrylǵan parlament otyrysynan esh nátıje bolmaǵan. Artynsha premer-mınıstr Heıdar al-Abadı parlament ókilderin el ońtústigindegi jaǵdaıdy saıası maqsattaryna paıdalandy dep aıyptady.