О́mir syılar Azurion

Qazirgi kezde medısınaǵa ja­ńa tehnologııalardyń enýi ope­rasııalardyń burynǵydaı emes, az ınvazıvti ótýine, sóı­tip pasıent­ter ornynan tez tu­ryp ketýine jol ashqan. Ýaqyt ót­ken saıyn osy baǵyttaǵy jumys­tardy óristetýdegi izdenisterdiń jemisi de molaıa túsýde. Sonyń biri – TMD elderinde birinshi bolyp Azurion ozyq modelin paıdalaný. Ol Otanymyzda kardıohırýrgııa salasynda úzdik jetistikterimen kórinip júrgen Ulttyq ǵylymı kardıohırýrgııa ortalyǵynda alǵash ret júze­ge asty. Densaýlyq saqtaý vıse-mınıstri Alekseı Soıdyń aı­týyna qaraǵanda, jylyna eli­mizde júrek-qan tamyry aýrýlaryna 16 myń operasııa jasalady eken. Al ortalyqtaǵy jańa teh­no­logııa biriktirilgen ope­rasııa ja­saýǵa múmkindik týdyrady. Ja­ńa qurylǵynyń budan da ózge artyq­shylyǵy kóp. Máselen, ol arqyly pasıentke operasııaǵa deıin jasalǵan barlyq zertteý­ler, operasııa ýaqytyndaǵy aǵza­daǵy ózgerister, derttiń qaı jerde, qandaı dárejede ekeni bar­lyǵy aınadaı kórinip, ońaı bas­qarylatyn sensor arqyly dá­rigerdiń baqylaýynda bolady. Jáne bir artyqshylyǵy, qandaı bir aýrýdy anyqtaýda, dıagnos­tıkada qajettilik týatyn radıoızotopty suıyqtyqty paıdalanýdy da jańa ozyq model birshama yǵystyrady eken. Iаǵnı, aǵzaǵa radıasııanyń teris áserin boldyrmaıdy. Vıse-mı­nıstr jańa qondyrǵynyń tanystyrylymynda «Júrekke jasalatyn operasııa ashyq jáne jabyq bolyp bólinedi, ókinishke qaraı, Qazaqstanda ashyq túrin jasaý kóbeıip bara jatyr, osy turǵyda jańa tehnologııanyń kó­megimen biriktirilgen operasııa jasaý ashyq operasııalardy azaıtady. Bul álemdik medısınada dáleldengen ádis. Sebebi ashyq túrin jasaý anaǵurlym qaýipti», deı kele, pasıentter densaýlyǵyn jaqsartýda, jo­ǵary deńgeıde medısınalyq kó­mek kórsetýde kardıohırýrgııada úzdik álemdik standarttardy qoldanýdy júrek-qan tamyrlary aýrýlarymen kúrestegi sózsiz artyqshylyq degen pikirimen tujyrymdady.

Atalǵan qu­ryl­ǵy arqyly ja­ńa týǵan sábı­den,­ qarttarǵa deıin operasııa­ jasaýǵa bolady.­ AQ-tyń basqar­ma tóraǵasy Iýrıı Pıa­­­­nyń aıtýynsha, jańa bólme tanys­ty­rylymyna deıin Azurion aprobasııadan ótip 50-ge jýyq ope­­ra­sııa jasalyp úlgergen. Iаǵ­nı, jańa tehnologııa tolyq prak­tıkalyq tekserýden ótti dep aı­ta alamyz. Biriktirilgen operasııa jasaý kabınetinde bir ýa­qytta 8-10 qyzmetker áreket etedi. Teh­nologııanyń taǵy bir artyq­shylyǵy, buǵan deıin jasalyp júr­gen operasııalarǵa qaraǵanda ýaqytty 20%-ǵa qysqartady.

Ortalyqtyń ıntervensııalyq kardıologııa jáne radıologııa­ bóliminiń jetekshisi Serik Álim­baev júrekti toqtatpastan, kes­peı jasaý ádisiniń naýqastar úshin óte jeńil, ári dárigerge de qo­laıly ekenine toqtalǵan. Munyń eń jaq­sy jeri naýqastar ope­rasııadan soń bir-eki kún ǵana jatady. Narkoz berilmeıdi. Reabılıtasııalyq ke­zeń de óte qysqa. Mundaı opera­sııa­­­­lardy biz kishkentaılarǵa da, úl­ken kisilerge de jasaımyz, tipti tý­ǵanyna 2 saǵat qana bolǵan sá­bı men 93 jastaǵy qarııaǵa da dál osy jańa tehnologııa kóme­gimen sátti operasııa jasaldy, degen Serik Almazulynyń aıt­qandaryn qondyrǵyny qolyn­da oınatyp turǵan ınte­rvensııalyq kardıolog Áb­dýrashıd Musaev ta quptady. «79 jastaǵy kisige jasalǵan operasııadan baıqaǵanymyzdaı, kom­pıýterlik tomografııa biz­ge avtomat­ty túrde qaı jerge kla­­pan qoıý kerektigin kór­set­ti. Qa­zir kontrast, ıaǵnı ra­dıo­ızo­top­tar­dy qoldaný azaı­dy, biraq ope­rasııanyń sa­pasy joǵarylady. Ol osy quryl­ǵynyń naqty ári tez áreket etýi­niń nátıjesinde múm­kin boldy. Sondaı-aq rentgen sáýleleriniń keri áseri de azaıady», deıdi kardıolog Á.Musaev.

Ortalyq basshysy Iýrıı Pıa buǵan deıin jylyna 6 myń operasııa jasalsa, endi onyń qatary 8 myńǵa deıin jetkizýge bolatynyn aıta kele, ol adamdardyń den­saýlyǵyn jaqsartýda da, salany jetildirýde de úlken qadam eke­nin jetkizdi. 

Azurion ınnovasııalyq angıo­grafııa­lyq júıesin elimizge alyp kelgen kompanııa Philips-tiń Qazaqstan jáne Ortalyq Azııa­daǵy bas dırektory Gúlnara Sebesten «Biz, Philips-tiń ómirdi jaq­sy jaǵyna ózgerte alatynyna, ásirese densaýlyq saqtaý jáne densaýlyq qorǵaý salasyna nátıjeli jumys atqara alatynyna senimdimiz. Qazaqstannyń emdeý mekemelerimen yntymaqtastyq – bizdiń strategııalyq basymdyq­tarymyzdyń biri bolyp tabylady. Ortalyq Azııadaǵy eń úzdik kardıoortalyqtardyń biri bolyp sanalatyn Ulttyq ǵylymı kardıohırýrgııalyq ortalyǵynda Azurion ornatý turǵyndarǵa medı­sınalyq kómekti kórsetýdiń sapasyn jaqsartady dep senemiz», deıdi.

Anar TО́LEÝHANQYZY,

«Egemen Qazaqstan»