О́tip bara jatqan jyldyń tálimi de, taǵylymy da kóp boldy. Eń bastysy, Táýelsizdigimizdiń 20 jyldyq belesin qorytyndyladyq. Saltanatty jıynda Elbasy Nursultan Nazarbaev osynyń barlyǵyn júıelep aıtyp bergende, meıirim qanyp tyńdaǵan edim. Men Torǵaıda, Ahańnyń – Ahmet Baıtursynovtyń týǵan jeri – sonaý Aqkólde týyp-ósken janmyn. Táýelsizdikten burnaǵy jyldary danyshpan Ahańnyń týǵan jerinen túlep ushqan balalarymyz kóńili qalaǵan mamandyǵyn ala ala ma, ómirdegi ornyn taba ala ma degen oı mazalaı bastaıtyn ýaqytqa jetken edik. О́ıtkeni, qazaq tili esikten qarap qaldy da, bar jerde orys tiliniń ǵana asyǵy alshysynan turdy. Táýelsizdik kelip, ana tilimizdiń bolashaǵy, kókjıegi ashyldy. Osy jıyrma jyl ishinde Aqkólden ushqan túlekter óziniń ana tilinde oqyp bilim alyp, túrli mamandyqtardy ıgerdi. Elbasy Nursultan Nazarbaev merekedegi sózinde: «1991 jyly qazaq tilinde bilim alǵan shákirtter sany 32 paıyz bolsa, ol kórsetkish búginde 85 paıyzdan asty» dedi. Respýblıka boıynsha myńnan asa mektep salynǵanyn da Prezıdenttiń óz aýzynan estidik sol kúni. Nurekeń durys aıtady. Bizdiń oblys ortalyǵynan on saǵat júrip baratyn Aqkólde qazir balalar eki qabatty mektep ǵımaratynda oqıdy. Ishi zańǵyrap tur, qystyń qandaı aıazy men boranynda jyp-jyly. Torǵaılyq balalar kompıýterdi asyqtaı úıiredi. Elbasynyń: «Árıne, til máselesi – ýaqyttyń enshisinde. Sannyń artýy, sananyń ornyǵýymen barlyǵy óz ornyna keledi» degen sózi de kóńilge toq. Memlekettik tildiń bolashaǵyna eshqandaı shúbá keltirmeımin.
Qaı kezdegideı, Elbasy merekedegi sózinde de eldiń tynyshtyǵy birinshi baılyǵymyz ekenin eske salyp ótken. Atalarymyz: «aǵaıyn tatý bolsa – at kóp, abysyn tatý bolsa – as kóp» degen eken. Mine, kishkentaı aýyl, bir áýlettiń bereke-birligin oılaǵan atalarymyz qalaı dál aıtqan. Osy dýaly sóz búkil qazaqqa qatysty emes pe? Al tutas eldiń júgin arqalaǵan Elbasy yntymaǵy jarasqan Qazaqstan ǵana alǵa jyljıtynyn aıtýmen keledi. Shúkirshilik, Qazaqstan halyqtarynyń tatýlyǵyn, yntymaq-birligin ózge elderge úlgi etip kórsetip kelemiz. Prezıdentimiz dinaralyq tatýlyq úshin de kóp jumys istedi.
Nursultan Ábishulynyń jasampaz jumystaryn tek ózimiz ǵana emes, qazir túgel álem bilip otyr. Biraq ony aıta bergennen góri onyń bastamalary men ıdeıalarynyń júzege asýy úshin ár qazaqstandyq qoldan kelgenshe jumys isteýi kerek. Biz, eńbek ardagerleri eldiń tynyshtyǵy, molshylyq arqasynda, balalardyń qyzyǵyn kórip úıde otyrmyz. Zeınetker adamdardyń qolynan ne keledi? Kóp nárse keledi der edim. Bizdiń mindetimiz de, paryzymyz da sol – balalardyń tárbıesin nyqtaýymyz kerek. «Ata kórgen oq jonar, ana kórgen ton pisher» degen, tárbıe kórgen urpaq qana erteń Otanynyń, eliniń, halqynyń qamyn oılaıtyn azamat bolady.
Aldaǵy 2012 jyl barshamyz úshin tabysty, berekeli jyl bolsyn! Táýelsizdigimiz baıandy bola bersin!
Ibragım AǴYTAI, eńbek ardageri.
QOSTANAI.