Belgili aqyn Abdrahman Asylbekov 80 jasynda ómirden ozdy.
Abdrahman Asylbekov 1938 jyly 1 mamyrda Jambyl oblysy Talas aýdany Úsharal aýylynda dúnıege kelgen. QazPI-diń tarıh-fılologııa fakýltetin bitirgennen keıin mektepte muǵalim bolǵan. Aqyn aspırantýrada oqyǵan, oblystyq gazette, respýblıkalyq Qazaq radıosynda, Qazaq KSR Mınıstrler Keńesiniń Baspa, polıgrafııa jáne kitap saýdasy isteri jónindegi memlekettik komıtetinde qyzmet jasaǵan.
1955 jyly «Beıbitshilik baqshasy», «Jaýdy aıaǵan jaraly» sııaqty tyrnaqaldy shyǵarmalary basylǵan. Balalarǵa arnalǵan alǵashqy óleńder jınaǵy 1961 jyly jaryq kórgen. Sodan bergi ýaqytta 31 jyr kitabyn shyǵardy. Lırıka, án mátinderin jazyp, satıra jáne aýdarma janrlarymen de aınalysyp keledi. Kóptegen baıqaýlardyń jeńimpazy, júldeger.