Pavlodar mańynda «GAZel» men «Lada» kólikteri soqtyǵysty. Saldarynan avtomashınalar janyp, júrgizýshilerdiń biri mert boldy, dep habarlady Pavlodar oblystyq Ishki ister departamentiniń baspasóz qyzmeti.
«19 qazan kúni saǵat 00.20-da Pavlodar-Semeı tasjolynda Pavlodar qalasy Baıdaly aýylyna qarama-qarsy jerde «GAZel» men «Lada» markaly kólikter soqtyǵysty», - delingen habarlamada. Jol apatynan «Lada» órtenip, jalyn «GAZel» kóligine taraǵan. Saldarynan eki mashına tolyqtaı janyp ketken. «Lada» júrgizýshisi kólik órtengen kezde qaza tapty. Saraptama taǵaıyndaldy. Oqıǵanyń mán-jaıy anyqtalýda». Qazirgi tańda tergeý júrip jatyr.