Senat depýtaty Rysqalı Ábdikerov Memleket basshysynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» Joldaýynyń negizgi erejelerin túsindirý maqsatymen Qaraǵandy oblysyna jumys saparymen keldi. Sapar barysynda ol Shahtınsk qalasyndaǵy birqatar memlekettik mekemelerdiń, shaǵyn jáne orta bıznes nysandarynyń tynys-tirligimen tanysty.
Senator qaladaǵy Á.Bókeıhanov atyndaǵy mektep-lıseıde bolyp, ondaǵy murajaı men horeografııalyq zaldy, kitaphana men oqý synyptaryn aralap kórdi. Mártebeli meımanǵa ınformatıka, fızıka jáne jańa úlgidegi bıologııa, ıntellektým jáne robot tehnıkasy kabınetteri tanystyrylyp, oqýshylar ózderiniń daǵdylary men qabiletterin kórsetti.
R.Ábdikerov mekteptiń ustazdar qaýymymen kezdesý barysynda Joldaýda Memleket basshysy alǵa qoıǵan negizgi mindetterdi jan-jaqty túsindirdi. Ásirese, halyqtyń tabys deńgeıi men bilim berý salasyndaǵy qyzmet sapasyn arttyrý máseleleri keńinen talqylandy. Elbasynyń tapsyrmasyn oryndaý aıasynda pedagogtardyń mártebesin, eńbekaqysyn, bilim berý sapasyn arttyrý, sondaı-aq oqýshylarǵa jáne muǵalimderge qajetti jaǵdaılar jasalatyny, mektepke deıingi bilim berýdi qamtýyn keńeıtý jóninde jumystar júrgiziletini atalyp ótildi. Senator Elbasynyń Joldaýy – memleketimizdiń uzaq jyldarǵa damý qarqyny belgilengen mańyzdy strategııalyq qujat ekenin aıtty. R.Ábdikerov aımaqtaǵy bilim berý uıymdarynda qolǵa alynǵan jumystardy joǵary baǵalap, bilim berý bóliminiń basshylyǵyna rızashylyǵyn bildirdi.
Qalalyq prokýratýrada quqyq qorǵaý organdarynyń qyzmetkerlerimen bolǵan kezdesýde senator joǵarǵy Palatadaǵy Konstıtýsııalyq zańnama, sot júıesi jáne quqyq qorǵaý organdary komıtetinde atqarylǵan jumystar týraly habardar etti. Sapar aıasynda senator «Atletik» sporttyq-saýyqtyrý kesheni men «Matıýhın» qurylys materıaldaryn óndirý kásiporyny sekildi shaǵyn jáne orta bıznes nysandarynda, «Kapýsta» jekemenshik balalar baqshasynda boldy.
Qaırat ÁBILDA,
«Egemen Qazaqstan»
QARAǴANDY