Amerıkalyq erikti Mırıam Grınfıld Qaraǵandy oblysy, Nura aýdanynyń №3 Kıevka orta mektebiniń oqýshylaryna 1 aıdan astam ýaqyt boıy aǵylshyn tilin úıretip júr. Qazaqstanǵa kelgenine kóp ýaqyt bolmasa da, aýyl turǵyndarymen dostasyp, oqýshylardyń súıikti muǵalimderine aınalyp úlgergen.
Mırıam balalarǵa tek sabaq úıretip qana qoımaı, aýyldyń qaınaǵan tirshiligine belsene aralasyp júr. Aýyl turǵyndary da ony jıi otbasylyq merekelerge, toıǵa, ekskýrsııalarǵa qatysýǵa jıi shaqyryp turady. Sondaı-aq ol bos ýaqytyn jergilikti jattyǵý zalynda ıoga jattyqtyrýshysy retinde ótkizedi.
«Oqýshylarym keremet. О́te tárbıeli, bilimge qushtar, sabaqta muqııat tyńdap, kóp nárse úırenýge tyrysady. Kúnde tańerteńnen bastap júzdegen bala qushaqtap rahmetin aıtady. Men úshin eń úlken jetistik - osy. Aýyl turǵyndary aqjarqyn, ashyq, óte qonaqjaı. Kelesi jyly da kelýge qarsy emespin», deıdi amerıkalyq qyz.
Sondaı-aq eriktiler qatarynda Garvard ýnıversıtetiniń stýdenti Kennet Palmer de bar. Ol qazir Qaraǵandy oblysynyń Osakarovka aýdanynda oqýshylarǵa aǵylshyn tilin tegin úıretip júr.
Aıta keteıik, «English for Jastar» jobasy pılottyq úlgide elimizdiń 100-den astam mektebinde «Jas Otan» Jastar qanaty men «Bolashaq» qaýymdastyǵynyń bastamasymen iske qosyldy. Osy jyly alǵash ret júzege asqan «English for Jastar» jobasy boıynsha 9 sheteldik jáne 146 qazaqstandyq erikti elimizdiń mektep oqýshylaryna aǵylshyn tilin úıretýge, sóıleý daǵdylaryn damytýǵa kómektesý úshin 2 aıǵa shalǵaı aýyldarǵa attanǵan.