Bas prokýratýra óz qataryndaǵy jemqorlyqqa qarsy turý úshin júıeli túrde sharalar qoldanyp otyr, dep habarlaıdy vedomstovnyń baspasóz qyzmeti.
Qazan aıynda Bas prokýratýranyń Ishki tergeý departamenti Almaty oblysy Qarasaı aýdanynyń prokýrory D.Aıazbaevtyń aýmaǵy 6 gektar bolatyn 102 jer teliminiń paıdalaný maqsatyn ózgertý jáne qaıta rásimdeý isine zańsyz aralasqanyn anyqtady. Aıazbaev óz bıligin asyra paıdalanǵany úshin onyń isi sotqa berilip, ózi prokýratýra organynan jumystan qýyldy.
Sondaı-aq arnaıy dárejesinen de aıyryldy. Al zańsyz rásimdelgen jer telimderi memlekettik jer qoryna qaıtaryldy. Sonymen qatar 19 qazan kúni Ishki tergeý departamentiniń qyzmetkerleri Qostanaı oblysy Taran aýdanynyń prokýrory M.J. Shalabaevty jergilikti kásipkerge «qamqorlyq» kórsetý úshin 750 myń teńge para alyp jatqan sátinde qolǵa túsirdi.
Qazir sotqa deıingi tergeý amaldary bastaldy. Shalabaev ýaqytsha ustaý ızolıatoryna qamaýǵa alyndy.