Aqtóbe qalasynyń jalpy bilim beretin mektepterinde kúrdeli jəne aǵymdaǵy jóndeý jumystaryn júrgizý sondaı-aq, materıaldyq-tehnıkalyq bazasyn nyǵaıtý boıynsha qabyldanyp jatqan sharalar týraly oblystyq bilim basqarmasynda aıtyldy.
Atalmysh mekemeniń məlimetinshe, mektepterde jóndeý jumystary oqý jylynyń basyna deıin júrgiziledi. Kúrdeli jóndeýge jatatyn nysandardyń tizbesin qalyptastyrý kezinde birinshi kezekte ystyq nysandar qarjylandyrylady, sonymen qatar, olarǵa jumystardyń barlyq túrleri boıynsha aldyn ala qujattar əzirlenedi.
«Sońǵy úsh jylda Aqtóbe qalasynyń bilim berý uıymdarynyń kúrdeli jəne aǵymdaǵy jóndeý jumystaryna 1807, 0 mln.teńge bólindi, al onyń ishinde aǵymdaǵy jyly jóndeý jumystaryna 374 mln.teńge bólingen bolatyn. Qarjylyq qoldaýdy qamtamasyz etý, bilim berý uıymdarynyń materıaldyq-tehnıkalyq bazasyn nyǵaıtý jəne bilim alýshylarǵa qajetti jaǵdaı jasaý maqsatynda Qamqorshylyq keńester jumys jasaıdy», - dep atap ótti basqarmada.
Sonymen qatar mekemede "Sandyq Qazaqstan" baǵdarlamasyn júzege asyrý boıynsha da belsendi jumys júrgizilip jatqanyn, onyń basty baǵyttarynyń biri, bilim berý júıesin damytý ekendigi de aıtyldy.
Orta bilim berýdi aqparattandyrýdy damytý maqsatynda oqý oryndaryn keń jolaqty ǵalamtormen qamtamasyz etýge jəne aqparattyq júıelerdi tehnıkalyq qamtamasyz etýge qarajat bólinedi. Aǵymdaǵy jyly Aqtóbe qalasynyń mektepterine jalpy somasy 339 mln teńgege 1194 kompıýter jıyntyǵy, 260 apparattyq keshen, 8 ýltrofokýsty ınteraktıvti proektor jıyntyǵy men 3D prınterler jəne robototehnıka satyp alyndy. Mektepterdi 100% kompıýterlik tehnıkamen qamtamasyz etý maqsatynda jyl sońyna deıin qala mektepterine 465 mln.teńgege 1860 kompıýter jetkiziletin bolady.