Qazaq kúresinen Batyr Baıan atyndaǵy ashyq týrnırge elimizdiń segiz óńirinen saıdyń tasyndaı iriktelgen palýandar jınalyp, 74 kılodan joǵary salmaq boıynsha ózara kúsh synasty.
Jarystyń ashylý saltanatynda sóılegen sózinde oblys ákiminiń birinshi orynbasary Aıdarbek Saparov sportshylarǵa tabys tiledi.
Boz kilemge birinshi bolyp shyqqan Túrkistan oblysynyń ókili Ersultan Muzafarov Soltústik Qazaqstan oblysynyń namysyn arqalaı kelgen qarsylasyn taza jyqty. Ol ekinshi beldesýinde alań ıesi Alpysov Dýlatty da erkin utyp, bas júldeden úmitker ekenin tanytqan edi. Alaıda, 2014 jylǵy «Azııa barysy, eki dúrkin álem jeńimpazy Muhıt Tursynovtan jeńilis tapty. Muhıt Shyǵystyń týmasy bolǵanymen, qazir «Qyzyljar arlandary» kúres ortalyǵynda qyzmet etedi. Muhıttyń aldyn Azııa chempıony, halyqaralyq dárejedegi sport sheberi, astanalyq Seıten Aıbat orap ketti.
Seıten Aıbat aqtyq beldesýde M. Jumabaev aýdanynyń ókili Aqjigit Oralovty beldesý aıaqtalýǵa sanaýly sekýndtar qalǵanda qapy qaldyryp, «Uzynkól» sharýa qojalyǵynyń jetekshisi Qanat Álmuratov bas júldege tikken jeńil kólikti qanjyǵaǵa baılady.
О́mir ESQALI,
«Egemen Qazaqstan»
Soltústik Qazaqstan oblysy