S. Toraıǵyrov atyndaǵy memlekettik ýnıversıtette joǵary oqý ornynyń 1-shi kýrs stýdentterin qabyldaý sharasy erekshe, qyzyqty boldy.
Sándi kıingen stýdentter Gollıvýd juldyzdary sııaqty qyzyl kilemniń ústimen júrip ótti. Ýnıversıtetke oqýǵa jańa kelgen 1 kýrs stýdentteri «Mainstream» bı tobynyń, sıqyrshylar óz ónerin de tamashalady.
Sońǵy jyldary ýnıversıtet mamandarynyń aıtýynsha, oqý ornynda tehnıkalyq mamandyqtarǵa oqýǵa túsýshilerdiń sany artypty. Bıylǵy jyly qosymsha bólingen 20 myń granttyń 11 myńy tehnıkalyq mamandyqtarǵa baǵyttalǵan.
Sonymen qatar, «Serpin» baǵdarlamasy boıynsha elimizdiń bes óńirinen kelip oqyp jatqan 549 stýdent bar. Bul kúnderi «Serpindikter» 20 tehnıkalyq mamandyq boıynsha bilim alýda.
О́tken 2017-2018 oqý jylynda ýnıversıtettiń 32 stýdenti Germanııa, Chehııa, Reseıde, Polsha men Latvııanyń oqý oryndarynda bilim aldy.
Saltanatty shara sońynda, 1-shi kýrsqa qabyldaýǵa qatysqan barlyq stýdentterge ýnıversıtet rektory Gaýhar Ahmetovanyń Quttyqtaý haty oqyldy. Stýdentterge sulýlyq salony, oıyn klýbtary, sport zaldarynyń sertıfıkattary tabystaldy. Oqý ornyndaǵy GQ» stılindegi stýdenttik qabyldaýdy uıymdastyrýǵa kásipkerler demeýshilik jasady.
Farıda BYQAI,
«Egemen Qazaqstan»
Pavlodar
Sýretti túsirgen: Rýfına Torpısheva