«Rýhanı jańǵyrý» baǵdarlamasyn iske asyrý sheńberindegi «Atameken» kishi baǵdarlamasymen Altynsarın aýdanynda «Ustazǵa taǵzym»,«Y.Altynsarın týǵan jerin abattandyrý» jobasy iske asyryldy. QR Parlamenti Májilisiniń depýtaty Irına Aronovanyń qatysýymen Y. Altynsarınniń týǵan jerinde «Omar qudyǵy» dep atalatyn kesheniniń saltanatty ashylýy ótti.
«Omar qudyǵy» HIH ǵasyrdaǵy Altynsarın aýdanynyń M. Hakimjanova atyndaǵy aýyldyq okrýginiń Sataı aýylynan ońtústik-shyǵysqa qaraı 5 shaqyrym jerde ornalasqan. Bul aımaqta Ybyraı Altynsarınniń atasy Balǵoja bıdiń aýyly bolǵan. Osy jerde 1841 jyly aǵartýshy ustaz Ybyraı Altynsarın dúnıege kelgen. 2017 jyldan bastap Y.Altynsarınniń týǵan jeri «Omar qudyǵy» Qostanaı oblysy kıeli nysandardyń aımaqtyq tizimine engizildi.
Araqaraǵaı orman sharýashylyǵy mekemesi, «Temte», «Aıdala» jáne «Selena» jaýapkershiligi shekteýli seriktestikteriniń demeýshilik jasaýymen «Ustazǵa taǵzym», «Y.Altynsarın týǵan jerin abattandyrý» jobasy júzege asyryldy. Qudyq bolǵan jerge kúrkeler, kireberiske arqa salyndy, qorshaýlar qoıylyp, adamdar júretin jalǵyz aıaq jolǵa taqta tas tóseldi, oryndyqtar, qoqys salatyn jáshikter ornatyldy.
«Ybyraı Altynsarınniń týǵan jeri, júrgen jerleri, ashqan mektepteriniń orny, kesenesi búgingi urpaq úshin naǵyz rýhanı dúnıege aınalýy tıis. «Omar qudyǵy» sonyń bir jarqyn mysaly, Altynsarınge baılanysty tarıhı orynnyń birine aınalady. Mektep oqýshylary, jastar kelgen saıyn uly ustaz týraly kóp maǵlumat biledi, týǵan jerge degen patrıottyq sezimdi tárbıeleıdi» dedi Irına Petrovna.
Názıra JÁRIMBET,
«Egemen Qazaqstan»
Qostanaı