Murat Móńkeulynyń 175 jyldyǵyna oraı Atyraýda birqatar mádenı sharalar ótip jatyr. «Baıtaqtan ozyp, báıge alǵan» atty halyqaralyq aqyndar aıtysy da Murat aqynǵa arnaldy. Qytaı men Mońǵolııadan jáne elimizdiń ár óńirinen kelgen 20 aqyn eki kún boıy jyr kórigin qyzdyrdy.
- Bul aıtystyń ereksheligi, elimizdegi eń júırik degen aqyndardyń birazy qatysty, - deıdi QR eńbek sińirgen qaıratkeri Júrsin Erman. –Murat Móńkeulynyń ómiri men shyǵarmashylyǵyn kesteli sózben kórkemdedi.
Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda oblys ákimdiginiń qoldaýymen uıymdastyrylǵan aıtysqa halyq ártisi, memlekettik syılyq ıegeri, Qazaqstannyń eńbek eri Asanáli Áshimov bastaǵan qazylar alqasy tórelik jasady. Jyr alamanynyń bas júldesine belgilengen 2 mln teńgeni batysqazaqstandyq Jansaıa Mýsına jeńip aldy.
Baqytgúl BABASh,
«Egemen Qazaqstan»
ATYRAÝ