Syrtqy ister mınıstri Qaırat Ábdirahmanov Astanaǵa alǵashqy medısınalyq kómek kórsetý jónindegi jahandyq konferensııaǵa kelgen IýNISEF-tiń Atqarýshy dırektory Genrıetta Formen kezdesti, dep habarlaıdy SIM baspasóz qyzmeti.
Forým Dúnıejúzilik Densaýlyq Saqtaý Uıymy, IýNISEF jáne Qazaqstan Úkimetiniń qatysýymen uıymdastyryldy.
Q. Ábdirahmanov Qazaqstan tarapynyń balanyń quqyqtaryn qorǵaý salasyndaǵy halyqaralyq mindettemelerge tolyqtaı aınymastyǵyn basa aıtyp, osy saladaǵy Prezıdenttiń tapsyrmalaryn iske asyrý týraly aqparatpen bólisti. Mınıstr IýNISEF-ke Qazaqstanǵa ana men bala densaýlyǵy jáne balalardy qorǵaý máselelerine qoldaý kórsetkeni úshin alǵysyn bildirdi. BUU Balalar qorynyń qoldaýymen kámeletke tolmaǵandarǵa qatysty sot tóreligin damytý jáne ómirdiń barlyq salalarynda balalardyń teń múmkindikterin jasaýǵa baǵyttalǵan baǵdarlamalar men jobalar júzege asyrylýda.
G. For elimizdegi densaýlyq saqtaý deńgeıiniń jaǵymdy áserimen bólisip, Qazaqstan damyp kele jatqan álemmen óz tájirıbesin bólisýge jáne onyń ornyqty damýyna járdemdesýine tilegin bildirdi.
Taraptar densaýlyq saqtaý kyzmetterin jappaı qamtýǵa baǵyttalǵan baǵytty ilgeriletýde bir-birin qoldaýǵa kelisti. Astana qalasynda qabyldanǵan Deklarasııa 1978 jyly Alma-Ata tarıhı deklarasııasynyń logıkalyq jalǵasy bolyp tabylady jáne burynǵy alǵashqy medısınalyq-sanıtarlyq kómek júıesin nyǵaıtýǵa baǵyttalǵan.
Sonymen qatar, Qazaqstan IýNISEF-tiń búkil álemdegi shıelenis aımaqtaryndaǵy balalardy qorǵaýdaǵy róli men qyzmetine erekshe mán beredi. О́z kezeginde, uıym Sırııadaǵy jaǵdaıdy beıbit retteý boıynsha Astana prosesine qyzyǵýshylyq tanyta otyryp, onyń sheńberinde janjaldasýshy taraptar balalardyń quqyqtaryn qamtamasyz etý jáne olardy shıelenis saldarynan qorǵaý úshin naqty qadamdar jasaý qajettiligi aıtyldy.