Álemniń tórt dúrkin chempıony Ilıa Ilın 2018 jylǵy Ashhabadta (Túrkmenstan) ótetin álem birinshiligine qatyspaıdy. Sportshy mundaı sheshimge kelýine densaýlyǵy áser etkenin aıtyp otyr.
«Men álem chempıonatynda óner kórsetpeıtinimdi halqyma qalaı aıtsam eken dep kóp oılandym. Biraq, qazir jáne osy jerde muny aıtamyn dep sheshtim. Men álem chempıonatynda óner kórsetpeımin, sebebi omyrtqa jaraqatyn alǵanmyn. Onyń ústine, bul - óte aýyr jaraqat.
Shynymdy aıtsam, meniń odan arǵy sporttaǵy bolashaǵym belgisiz. Men Ashhabadqa jattyqtyrýshy retinde baramyn. Nıjat Rahımovty tuǵyrǵa shyǵarǵym keledi. О́ıtkeni biz onymen bir jyl boıy birge jumys istedik. Men jattyqtyrýshylarǵa, komandamyzǵa kómektesemin. Bir sózben aıtqanda, álem chempıonatynda jattyqtyrýshy retinde baq synaımyn», dedi Ilıa Ilın.