Búgin Úkimettiń baspasóz ortalyǵynda Eńbek jáne halyqty áleýmettik qorǵaý vıse-mınıstri Narıman Muqyshev ónimdi jumyspen qamtý jáne jappaı kásipkerlikti damytý baǵdarlamasyn iske asyrý aıasynda qazaqstandyqtardy jumyspen qamtý boıynsha qabyldanyp jatqan sharalar týraly aıtyp berdi, dep habarlaıdy Premer-Mınıstrdiń baspasóz qyzmeti.
N. Muqyshevtiń aıtýynsha, «Eńbek» memlekettik baǵdarlamasy aıasynda oqýdan ótken azamattardy eńbekpen barynsha qamtý maqsatynda Eńbek jáne halyqty áleýmettik qorǵaý mınıstrligi birqatar sharalar qabyldap jatyr.
Birinshi kezekte, bilim berýshi mekemeler men ortalyqtarǵa talaptar qoıylýda. Bul —tıisti materıaldyq-tehnıkalyq bazanyń bolýy, qosarly bilim berý elementterin paıdalaný jáne oqýdan ótken adamdardyń kem degende 60%-nyń jumysqa ornalasýy.
Ekinshiden — búginde oqý ortalyqtary men oqý mekemeleriniń tizilimin qalyptastyrý boıynsha jumystar júrgizilip jatyr. Bul tikeleı kásiptik oqytýdy qajet etetin mamandyqtar men daǵdylar tizimin qalyptastyrý jáne bekitý úshin jasalady.
«Barlyq baǵdarlama tek naryqta suranysqa ıe mamandyqqa oqytýǵa baǵyttalǵan. Biz buny bilemiz, bizde barlyq jaǵdaıdy kórýge bolatyn Eńbek bırjasy bar. Naryqpen, Bilim jáne ǵylym mınıstrligimen, «Atameken» UKP-men birlesip, azamattardy oqytýǵa qajetti maqsatty baǵyttardy qalyptastyryp jatyrmyz», — dep túsindirdi N. Muqyshev.
Úshinshiden — eńbek naryǵyna yqpal etetin, sıfrlandyrý salasynda aýqymdy jumystar júrgizilip jatyr: jańa baǵyttar, talaptar, jumys formaty ázirlenýde. Baǵdarlama aıasynda QR EHÁQM jumys berýshilermen olardyń qyzmetkerleri AT-keńistikte zamanaýı jumys tásilderin meńgerýi úshin qaıta daıarlaý maqsatynda tyǵyz baılanys ornatqan.
Tórtinshiden — «Máńgilik el jastary – ındýstrııaǵa!» jobasy boıynsha joǵary, tehnıkalyq jáne kásiptik bilimi bar kadrlardy daıyndaý boıynsha memlekettik qoldaýdyń biriktirilgen sharalary qabyldanýda, túlekter oqyǵan óńirlerine jumys isteýge jiberiledi.
Vıse-mınıstr «Eńbek» baǵdarlamasy aıasynda jumysqa ornalasý kórsetkishteri týraly aıta otyryp, búginde qysqa merzimdi kásiptik oqytýdan ótken 31 myń adamnyń 18 myńy jumysqa ornalasqanyn aıtty. Eń joǵarǵy kórsetkishter Aqmola, Qostanaı, Almaty, Soltústik Qazaqstan oblystarynda belgilengen.
Baǵdarlamanyń ekinshi baǵyty aıasynda startap jobalardy qoldaýǵa jáne nátıjesinde jańa jumys oryndaryn qurýǵa shaǵyn nesıe berý baǵyty belsendi túrde damýda. Aýyldarda jáne qalalarda shaǵyn nesıe berý aıasynda qazandaǵy jaǵdaı boıynsha 42 mlrd teńge, onyń ishinde aýyldarda — 31 mlrd teńge jáne qalalarda 11 mlrd teńge ıgerilgen.
Sonymen qatar, N. Muqyshev shaǵyn nesıe berý baǵyty boıynsha nesıeler berý máseleleri aıasynda taldaý men baǵalaýdan bólek, birinshi kezekte, naqty baǵyttyń suranysqa ıe bolýy máselesi de qaralatynyn atap ótti.
«Bıznes-josparlar egjeı-tegjeıli zerdelenedi, sondan keıin baryp jobany iske asyrýǵa qarajat bólý-bólmeý týraly sheshim qabyldanady. Shaǵyn nesıelerdiń 81% aýyl, orman, balyq sharýashylyǵy salalaryna berilgen. Bular jalpy salany damytýǵa qajetti startaptardy tartýǵa jáne salany jańa deńgeıge shyǵarýǵa tıisti sektorlar», — dedi N. Muqyshev.
Budan ózge, eńbek jáne halyqty áleýmettik qorǵaý vıse-mınıstri vedomstvo eńbekaqy tóleý júıesin damytý máselesin belsendi túrde pysyqtap jatqanyn atap ótti.
«Elbasy Joldaýy aıasynda eń tómengi jalaqyny 28 myńnan 42 myń teńgege deıin kóbeıtý jumystary júrgizilip jatyr jáne jastar arasynda ónimdi jumyspen qamtýdy damytý aıasynda eńbekaqyny kóbeıtýge qatysty barlyq suraqtar qoldaýǵa ıe bolýda», — dedi ol.
О́z kezeginde QR EHÁQM Halyqty jumyspen qamtý jəne eńbek naryǵyn damytý departamenti dırektorynyń m.a. Jeńisbek Dýlatov búgingi tańda Eńbek jáne halyqty áleýmettik qorǵaý mınıstrligi memlekettik qyzmetkerlerdiń eńbekaqysyn qaıta qaraýdyń jańa ádistemesin engizýdi ázirleý maqsatynda Memlekettik qyzmet isteri jónindegi agenttikpen belsendi is-qımyl ornatqanyn atap ótti.
«Pılottyq rejımde eki memlekettik organ jáne eki oblystyq óńir qatysyp jatyr, olarda eńbekaqy 2–2,5 esege ósken. Atalǵan ádisteme kelesi jyldan bastap basqa da memlekettik organdar men óńirlerde engiziledi. Memlekettik qyzmetkerlerge jańa ádistemege sáıkes jalaqyny esepteý arqyly jas mamandardyń bul salaǵa degen qyzyǵýshylyǵyn arttyramyz degen senimdemiz», — dedi J. Dýlatov.
Eske sala keteıik, 2017–2021 jyldarǵa arnalǵan ónimdi jumyspen qamtý jáne jappaı kásipkerlikti damytý baǵdarlamasy boıynsha jumyspen qamtýǵa járdemdesý sharalarymen 563 myń azamat qamtylǵan. Onyń 458 myńy jumysqa ornalasqan, sonyń ishinde turaqty jumys oryndaryna — 327 myń adam.