Stalındik zulmat kezinde qazaq jerine qonys aýdarǵan sheshen azamaty Vahıd Gýbanovty qarmaqshylyqtar úlken iltıpatpen eske alady.
Jaqynda Vahıd Ahmadulynyń qurmetine «Fızıologııa jáne medısına: Dene tárbıesiniń ózekti máseleleri» atty II-shi halyqaralyq ǵylymı- tájirıbelik koferensııa ótti. Alqaly jıynǵa aımaqtyq Qazaqstan halqy Assambleıasynyń músheleri men sport salasynyń mamandary qatysty.
Eki myńynshy jyldary «Ǵasyr adamy» nomınasııasyna usynylǵan Vahıd Gýbanov ulttar arasyndaǵy dostyqqa ólsheýsiz eńbek sińirgen azamat. «Daımohk» sheshen-ıngýsh etno-mádenı ortalyǵynyń tóraǵasy Abý-Qasym Hajalıev «onyń ómiri jastarǵa úlken ónege» deıdi.
Asyl azamatty eske alýǵa arnalǵan dzıýdodan oblystyń ashyq týrnırin uıymdastyrǵan aımaqtyq dene tárbıesi metodıkalyq ortalyǵynyń dırektory Baýyrjan Ábenǵalıev Qazaqstan men Sheshenstan arasynda berik baılanys ornaǵandyǵyn,ondaǵy azamattardyń qazaq halqyna qurmeti zor ekendigin aıtady.
Baqtııar TAIJAN,
«Egemen Qazaqstan»
QYZYLORDA