Aýyl sharýashylyǵy salasynyń qyzmetkerlerin marapattaý rásiminde Qyzylorda oblysynyń ákimi Qyrymbek Kósherbaev «Qurmet» ordeniniń kavaleri, Sosıalıstik eńbek eri Sálıma Jumabekovaǵa jańa úıdiń kiltin tabys etti.
«Altyn dán» - bul eńbek merekesi bolǵandyqtan Sosıalıstik eńbek eri, 11 bala tárbıelep ósirgen Batyr ana, Ybyraı Jaqaevtyń shákirti - Sálıma Jumabekovany marapattaý rásiminen bastaý kerek dep sanaımyn. Syr elin «Alashtyń anasy» dep ataıdy, al Sálıma Jumabekqyzyn «Syr anasy» dep ataýǵa bolady», - dedi aımaq basshysy.
Buǵan deıin kópqabatty úıde turyp kelgen Sálıma ana eńbek ardagerlerine qurmeti úlken oblys basshylyǵyna qamqorlyǵy men jańa keń baspanasy úshin alǵysyn bildirdi.
Baqtııar TAIJAN,
«Egemen Qazaqstan»
QYZYLORDA OBLYSY