Túrkistanda halyqaralyq jýrnalıster forýmy ótti

Keleli keńeske Túrkııa, Qyr­ǵyzstan, Ázerbaıjan jáne Tatar­stan elderiniń aqparattyq agent­tikteri men beldi basylym­darynyń jetekshileri, otandyq  BAQ basshylary men ókilderi, ǵalymdar jáne jýrnalıstıka bóliminiń stýdentteri qatysty.  Jıynda Túrkistan obly­sy­nyń basty brendin qalyp­tas­tyrý, oblystyń oń ımıdjin kóte­rý, sondaı-aq Túrkistan qa­la­syn túrki áleminiń rýhanı or­ta­lyǵyna aınaldyrý sóz boldy. 

Forýmnyń ashylýynda oblys ákimi Janseıit Túıme­baev atalǵan jıynnyń mańyz­dy­lyǵyna toqtalyp, medıa keńistikti damytý, kıeli shahar­dy túrki áleminiń rýhanı orta­ly­ǵyna aınaldyrý jolynda osyndaı keleli keńesterdiń oń yqpal etetindigin aıtty.

«Elbasy Túrkistan qala­syn Túrki áleminiń rýhanı orta­lyǵyna jáne álem týrısteri ke­lýge asyǵatyn qalaǵa aınaldyrý jóninde tapsyrma bergen bo­latyn. Qazaqstan halqyna arna­ǵan «Qazaqstandyqtardyń ál-aýqatynyń ósýi: tabys pen turmys sapasyn arttyrý» Joldaýynda da týrızm máse­lesine erekshe toqtaldy. Týrızmdi damytýda aqparattyq jumystyń mańyzy zor. Búgin sheteldik aqparat quraldary ókilderin, elimizdiń jetekshi telearnalary men basylymdarynyń basshylaryn, óńirdegi redaktorlar men jýrnalısterdiń basyn qosýdaǵy maqsatymyz – barshańyzdy bir­lesip jumys isteýge jumyldyrý. Qa­lany kórkeıtýge jáne otan­dyq jýrnalıstıkany damytýǵa ar­nalǵan usynystardy tyń­daýǵa ázirmiz. Búginde oblys or­ta­lyǵyna memlekettik qyzmet­ker­lermen qatar birqatar jýrnalıster kóship keldi. Olar Túr­kistannyń jańa jylnamasyn jazyp jatyr. Sizderdi de Túrki áleminiń rýhanı ortalyǵyna jumys isteýge shaqyramyn, – dedi J.Túımebaev.

О́ńirdegi ıgilikti isterdi túrki ­tildes elder BAQ-tarynda taratý jáne ózge memleketter­men aqparattyq salada ynty­maq­tastyqty arttyrýdy maqsat tutqan jıynda sala bilgirleri otandyq jýrnalıstıkany damytý baǵytyndaǵy tyń ıdeıalar men bastamalaryn ortaǵa saldy.

Osy forýmǵa túrki tildes el­derden arnaıy shaqyrylǵan aqparat quraldarynyń jetek­shi­leri men ókilderi aldaǵy ýaqytta oblysty halyqaralyq deńgeıde nasıhattaýǵa úles qosýǵa daıyn ekendikterin jetkizdi. Sondaı-aq shynaıy ári sapaly aqparat arqyly Túrki áleminiń rýhanı ortalyǵy – Túrkistannyń týrızm salasyn damytyp, ınves­tısııa tartýǵa kóp kóńil bólip otyrǵanyn tilge tıek etti. 

Jıynda baıandama jasaǵan BAQ basshylary Túrkistan shaharynda túrki tildes memleketterge ortaq aqparat taratatyn ınternet resýrs qurý usynysyn aıtty. Spıkerlerdiń pikirinshe, aqparattyq saıt júıeli jumys istegen jaǵdaıda túrki dúnıesi elderi arasyndaǵy tildik kedergilerdi joıýǵa septigin tıgizbek.

Forým aıasynda Túrkistan oblysy ishki saıasat basqarmasy men shetel basylymdary ara­synda kelisimderge qol qoıyl­dy. Tarqatyp aıtar bolsaq, Túrkııanyń «TRT» telekom­pa­nııasynyń Astanadaǵy ókildiginiń dırektory Abdýlhamıt Avshar men Túrkistan oblystyq ishki saıasat basqarmasynyń basshysy Beısenbaı Tájibaev BAQ salasyndaǵy áriptestik já­ne iskerlik baılanys ornatý jónindegi memorandýmǵa qol qoıdy. Sonymen qatar Qyr­ǵyzstannyń «Kabar» ulttyq aqparat agenttiginiń IT depar­tamentiniń dırektory Kalnýr Janybaevpen, Tatarstannyń «Tatar-ınform» aqparat agent­tigi bas dırektorynyń orynba­sary Ramıs Latıpovpen já­ne Ázerbaıjannyń ITV tele­ra­dıokompanııasynyń Qa­zaq­stan­daǵy ókili Majıdı Fýzýlımen de ózara memorandým jasaldy.

Osy aıtýly kúnge oraı oblys ákiminiń qatysýy­men «Túrkistan medıa» halyq­aralyq ortalyǵy ashylyp, oblys týraly aqparattar túrki tildes elderdiń aqparat quraldarynda 5 tilde (ázerbaıjan, túrik, ózbek, qyrǵyz, orys) taratý jóninde sheteldik aqparat quraldarymen kelisim jasaldy. Qazirgi tańda «Túrkistan medıa» halyqaralyq ortalyǵy túrkige ortaq  aqparattyq keńistik qurýdyń alǵashqy kezeńin bas­tap ketti. Búginde ortalyqta Q.A.Iаsaýı atyndaǵy qazaq-tú­rik ýnıversıtetinde bilimin shyń­daǵan túrki dúnıesiniń stý­dentteri óz ana tilderinde aqpar taratýǵa kiristi. 

Nurshat TО́KEN,

jýrnalıst

Túrkistan