Apat kesirinen barlyǵy toǵyz adam qaıtys boldy, olardyń ishinde 1 - 15 jas aralyǵyndaǵy úsh bala, eki balanyń anasy jáne olardyń ájesi men atasy bar, dep habarlaıdy BBC.
Bul senbi kúni túnde Sısılııadaǵy Kasteldachıa qalasynda bolǵan.
Apat kezinde úı ishinde bolmaǵan otbasynyń úsh múshesi ǵana tiri qaldy: balalardyń ákesi bir balasyn alyp syrtqa shyǵyp ketken, al 10 jasar bala aǵashqa minip úlgerip, aman qaldy.
Sısılııanyń basqa aýdandarynda taǵy úsh adam kóz jumdy, olardyń kólikteri qatty sý aǵyny kezinde shaıylyp ketken.
Italııanyń basqa aımaqtarynda qolaısyz aýa-raıy men jaýyn-shashyn saldarynan 17 adam qaza tapty.
Veneto provınsııasynyń soltústik aımaǵyndaǵy Bellýno qalasynyń mańynda eń qatty qıraýlar oryn aldy, onda daýyldyń saldarynan kóptegen aǵashtar qulady.
Eldiń alty óńirinde – soltústiktegi Venetodan, ońtústiktegi Sısılııa men Sardınııa araldaryna deıin aýa raıynyń qolaısyzdyǵy týraly eskertý saqtalady.
EURONEWS-tiń habarlaýynsha, Italııadaǵy apat qurbandarynyń sany 30 adamǵa jetti.
Venesııanyń tarıhı bóliginiń 75%-y áli kúnge deıin sý astynda, onyń ishinde álemge áıgili Áýlıe Marka alańy da bar.
Aıta keteıik, aldyńǵy jeksenbide qolaısyz aýa raıy Italııanyń kóptegen aýdandaryna jetip, qaýiptiliktiń «qyzyl» (eń joǵary) deńgeıi eldiń soltústigindegi birneshe oblystarda jarııalanǵanyn týraly habarlaǵanbyz.