Bıyl Shyǵys Qazaqstan oblysy prokýratýrasynyń organdary azamattardyń quqyqtary men múddelerin qorǵaý, qylmystylyqtyń aldyn alý, sondaı-aq, respýblıkalyq bıýdjetti eleýli tolyqtyrý boıynsha ońdy nátıjelerge qol jetkizdi.
Qylmystylyq 4%-ǵa (19314-ten 18536-ǵa deıin), onyń ishinde, kisi óltirý qylmystary (91-den 68-ge deıin), qaraqshylyq shabýyl (31-den 24-ke deıin), tonaý (473-ten 396-ǵa deıin) bóten múlikti urlaý qylmystary (11550-den 11377-ge deıin) azaıdy. Toppen jasalǵan (-10,7%), jasóspirimder arasynda (-22,7%) jáne qaıtalama (-11,1%), sondaı-aq, alkogoldi mas kúıinde jasalǵan qylmystardyń (-15,9%) tómendeýi baıqalady.
ShQO jergilikti polısııa qyzmetimen birlesip júrgizgen jumysy barysynda (qolaısyz otbasylarǵa reıd ótkizý, aýlalardy, shatyrlardy, jertólelerdi tekserý) turmystyq kisi óltirý qylmystarynyń sanyn 25% azaıtýǵa múmkindik berdi.
Urlyqtardyń aldyn alý barysynda jedel profılaktıkalyq sharalardy qoldanylýy páter urlyqtaryn 25%, uıaly telefondardyń urlyǵyn 2% kemýine yqpal etti.
Qylmystyq prosesti izgilendirýi de qylmystyń tómendeýine áser etýde. Mysaly, ustalynǵan tulǵalardyń sany 60% (973-ten 387-ge deıin) jáne qamaýda otyrǵandardyń sany 57% (820-dan 355-ke deıin) azaıǵan. Tergeýshiler men anyqtaýshylardyń 187 bólmesi beınebaqylaý kameralarymen jabdyqtalǵan.
Elektrondy nysanda tergeletin qylmystyq isterdiń sany 3,5 ese artqan (165-ten 598-ge deıin). Qylmystyq qýdalaý organdaryn qajetti qurylǵylarmen jabdyqtalýy 1-den do 43% deıin kóbeıgen.
Qoǵamdyq múddelerdi qorǵaý júıesi salasynda azamattardyń quqyqtaryn qorǵaý jáne bıýdjetti tolyqtyrýǵa basa nazar aýdarylǵan.
«9 aı ishinde prokýrorlyq yqpal etý sheńberinde qazynaǵa 1,1 mlrd. teńge óndirilgen, 2,5 mlrd. teńgege múlik qaıtarylǵan. Qalalyq jolaýshylar tasymaldaýshylaryna 3,2 mlrd. salyq negizsiz aýdarylýy sebepti ShQO MKD arasyndaǵy uzaq ýaqyt jalǵasyp kele jatqan daý prokýratýranyń talap-aryzy arqyly kásipkerler men turǵyndardyń paıdasyna sheshildi. Oblys ortalyǵynyń eki iri kásiporyndarynda tekserý júrgizý barysynda - («Vostoksvetmet» JShS, «Kazsınk» JShS) ónerkásiptik qaýipsizdik jáne eńbekti qorǵaý salasynda anyqtalǵan 1,6 myń buzýshylyqtar joıyldy. Jumysshylardyń ómiri men densaýlyǵyna qaýip tóndiretin 17 nysan men mehanızmniń qyzmeti toqtatyldy. Oblys prokýratýrasynyń bastamasymen paıdalanylmaıtyn jerlerdi alý algorıtmi ázirlendi. Qazirgi ýaqytta quny 2,2 mlrd.teńge quraıtyn 180 jer ýchaskesi qaıtaryldy», - delingen Shyǵys Qazaqstan oblysy prokýratýrasynyń baspasóz qyzmeti taratqan málimette.
Tabıǵat paıdalanýshylarmen 91 kelisimniń sharttaryn oryndamaý faktileri (aýmaqtyń áleýmettik damýy) boıynsha qadaǵalaý aktilerimen 60 mln. teńge memleket paıdasyna óndirildi.
IT-tehnologııalardy qoldanýmen («Google Earth» geoportaly jáne ǵarysh monıtorıngi) naqty aýmaqtardan tys jerlerdi paıdalaný derekteri anyqtalyp, bul boıynsha tergeýler júrgizilýde.
Jyldyń basynan beri prokýrorlar azamattar men zańdy tulǵalardyń 5 myńnan astam aryzdaryn nazarǵa alyp, sheshim tabýyna járdemdesipti. Quqyq qorǵaý qyzmetiniń ortalyǵynda oblystyń 2 myńnan astam turǵynyna quqyqtyq kómek kórsetilgen.
Azamat QASYM,
«Egemen Qazaqstan»
Shyǵys Qazaqstan oblysy