Aqtóbe oblysynyń ákimi Berdibek Saparbaev erkin kúres palýany, 2018 jylǵy álem chempıonatynyń kúmis júldegeri Nurıslam Sanaevpen kezdesti.
- Biz seniń Býdapeshtte ótken Álem chempıonatyndaǵy jetistigińdi maqtan tutamyz. Bul elimiz úshin tarıhı oqıǵa. Elbasy saıasatynyń arqasynda halyqty dene shynyqtyrýmen jáne sportpen qamtý artyp, sport nysandary qol jetimdi bolyp keledi. Bizdiń sportshylardyń jetistikteri de Qazaqstannyń jas urpaǵyna salaýatty ómir saltyn tańdaýǵa kúshti yntalandyrý bolyp tabylady », - dedi sportshyǵa densaýlyq pen sportta jańa bıikterge jetýin tilegen Berdibek Saparbaev.
О́ńir basshysy sportshyǵa oblystyq grek-rım, erkin jáne áıelder kúresi federasııasynyń atynan Aqtóbe qalasynyń Batys-2 turǵyn úı alabynan eki bólmeli páterdiń sertıfıkatyn tabys etti.
О́z kezeginde Nurıslam Sanaev jyly qabyldaǵandary úshin alǵysyn bildirip, aldaǵy ýaqytta barlyq kúsh-jigerin joǵary nátıjelerge qol jetkizý úshin jumsaıtynyna ýáde berdi.
Belgili bolǵandaı, osy jylǵy qazan aıynyń sońynda Býdapeshtte erkin kúresten Álem chempıonaty ótken bolatyn. Birinshiliktiń qorytyndysy boıynsha Nurıslam Sanaev olımpıadalyq salmaqta Álem chempıonatynyń kúmis alqasyn jeńip alǵan Qazaqstannan shyqqan alǵashqy erkin kúres palýany atandy. Aıta keteıik, N.Sanaev 2020 jyly Tokıoda ótetin XXXII jazǵy Olımpıada oıyndaryna qatysýǵa nıetti. Sol úshin ol 2019 jyldyń qyrkúıek aıynda Astanada kúres túrlerinen ótetin Álem chempıonatynda joǵary nátıjelerdi kórsetýi kerek.
Temir Qusaıyn,
«Egemen Qazaqstan»