Maqtaaralda aýdanynyń 90 jyldyq mereıtoıy aıasynda sporttyń 5 túrinen ótken «Ulandar dostyǵy ult birligine ulasady» atty spartakıada oıyndary óz máresine jetti. Aýdandaǵy etnomádenı ortalyqtarynan quralǵan komandalar kishi fýtbol, voleıbol, arqan tartys, ústel tennısi, armrestlıngten jarysyp, jeńimpazdar anyqtaldy. Spartakıadanyń marapattaý rásimine aýdan ákimi Baqyt Asanov arnaıy qatysyp, jeńimpazdardy marapattady, dep habarlaıdy Maqtaaral aýdan ákiminiń baspasóz qyzmeti.
«О́zderińizge belgili, qazirgi tańda aýdanymyzdyń 90 jyldyq mereıtoıy keń kólemde atap ótilýde. Osy aıtýly mereke qarsańynda aýdandaǵy etnomádenı ortalyqtarynyń jastary arasynda spartakıada uıymdastyryldy. Bul is-sharanyń basty maqsaty – Maqtaaral aýdanynyń turǵyndary men jastarynyń arasynda buqaralyq sportty damytý bolyp tabylady. Sonymen qatar, aýdanymyzda otyzdan asa ult ókilderi turady jáne biz birligimiz jarasqan kezde ǵana jetistikke jetemiz. Sondyqtan, ulttar dostyǵyn nasıhattaıtyn osyndaı is-sharalardyń kóp bolýyn óz basym qoldaımyn. Búgingi jarysqa belsene qatysqandarǵa alǵysymdy bildiremin. Sportta da ómirde de bıik shyńdardy baǵyndyra berińizder!» - dedi Baqyt Násirhanuly.
Aýdannyń barlyq okrýgteri men kentterin qamtyǵan sporttyq is-shara qortyndylanyp, oryn alǵan júldegerlerge baǵaly syılyqtar tabystaldy. Spartakıadanyń qorytyndysy tómendegideı:
Fýtbol
1 oryn – «Qoǵamdyq kelisim» KMM 2 oryn – Jańajol a/o 3 oryn – Aýdandyq sport bólimiVoleıbol
1 oryn – Maqtaaral a/o jáne Atakent kenti 2 oryn – Myrzakent kenti 3 oryn – Birlik a/oArmrestlıng
1 oryn – Birlik a/o 2 oryn – Maqtaaral a/o 3 oryn – Atakent kentiArqan tartys
1 oryn – Eńbekshi a/o men Iirjar a/o 2 oryn – Birlik a/o 3 oryn – 2037 áskerı bólimÚstel tennısi
1 oryn – Myrzakent kenti 2 oryn – 2037 áskerı bólim 3 oryn – 2037 áskerı bólim