О́zbek halqynyń óneri

Qazaqstandaǵy О́zbekstan jy­ly aıasynda О́zbekstan Res­pýblıkasynyń Jızaq oblysynan kelgen qurmetti qo­naq­tardyń qatysýymen Ta­raz qala­syndaǵy ortalyq kór­me zalynda «Sheberler qa­la­­shyǵy» atty qolóner kór­mesi ótti. Atal­ǵan kór­mege aǵash, metall, qysh bu­ıym­dary­nan jasalǵan óz­bek qol­óner sheberleriniń týyndylary qoıyl­dy.

Kórmeniń saltanatty ashy­lýy barysynda Jambyl ob­lystyq mádenıet, arhıvter jáne qujattama basqarmasy basshysynyń orynbasary Zúbáıra Sembına alystan at­terletip kelgen óner ıelerine degen alǵysyn bildirdi. Sonymen qatar arnaıy ázirlengen Al­ǵys hattar men jyr alyby Jam­byl Jabaevtyń bolmysy beınelengen kilemsheni ala shapandy aǵaıyndarǵa syıǵa tartty. Sondaı-aq Jambyl oblysy boıynsha «О́zbek» et­no­mádenı ortalyǵynyń pre­zıdenti Bahrom Mýmınov bú­gingi shara eki el tatýlyǵynyń kórinisi ekenin aıtyp ótti. Al «Sheberler qalashyǵy» atty qolóner sheberleriniń kórmesine ózbek elinen arnaıy kelgen mınıatıýra, keskindeme óneriniń sheberi Shahlo Rahmatova, aǵash sheberi Býnedjon Zoırjonov, zerger Ýtkır Qýdratov syndy tanymal azamattar men Jambyl óńiriniń qolóner sheberleri arasynda tájirıbe almasý maqsatynda sheberlik saǵattary uıymdastyryldy. 

Kórmege qoıylǵan áshekeıli baǵaly júzikter, aǵash buıym­darynan jasalǵan qundy já­digerler, kúndelikti turmysta paı­dalanatyn ydystar, tarıhı kezeńderdi, tabıǵat kó­rinisterin beınelegen ásem kartınalar kópshiliktiń qy­zyǵýshylyǵyn týdyrdy. Ke­lýshiler ózbek halqynyń óne­rimen jaqyn tanysyp, pi­kir almasty. Sonymen qa­tar atalǵan shara barysynda aldaǵy ýaqytta eki eldiń qol­ónershileriniń mádenı qa­rym-qatynasyn nyǵaıtý maq­satynda Jambyl oblystyq mádenıet, arhıvter jáne qu­jat­tama basqarmasynyń basshysy Dúısenáli Byqybaev pen Jı­zaq oblystyq ónerpazdar bas­qarmasynyń basshysy Ma­ratjon Mamatqulov eki­jaq­ty me­morandýmǵa qol qoıdy.

Hamıt ESAMAN,

«Egemen Qazaqstan»

Jambyl oblysy