Toqsan jyl buryn Semeıde...

«Jańa aýyl» gazetiniń №17-sine qosymsha

Semeı gýbernesindegi barlyq eńbekshilerge Gýbernelik atqarý komıtetiniń, gýbernelik kásipshiler keńesiniń jáne Semeıdiń qalalyq keńesiniń ÚNDEÝI

Semeı gýbernesiniń óz úıez­derinen kelgeni bar, basqa aýdandardan kelgeni bar, qazirgi ýaqytta Semeı qalasynda jumyssyz­dar birqatar bolyp kóbeıip otyr. Jumyssyzdardyń munsha kóbeıip ketýine gýbernedegi salynatyn oryndarǵa, ásirese Túrkistan-Sibir temir jolyna jumyskerler kóp kerek degen dálelsiz, alypqashty habarlar sebep boldy. 

Osy habarlardy estigen­der­diń bireýi qyzmetin tastap, bireýi sharýasyn tastap Semeıge kel­di de, mundaǵy burynǵy jumys­syzdardyń sanyn kóbeıtti.

Mundaǵy jumystarǵa eń­bek bırjasynda tirkelgen jumys­syzdardyń ózderi de jetkilikti edi. Jumyssyzdardyń osy sııaq­ty tym kóbeıýiniń arqasynda buryn kórilmegen jumyssyz­dyq daǵdarysy bolyp otyr. Bul daǵdarysty azaıtý úshin jergilikti keńes, kásipshiler oryn­dary barlyq qolynan kelgen sharasyn istep jatyr. Sonda da jumyssyzdar áli kúnge deıin Semeıge aǵylyp kelip jatyr.

Jumyssyzdyqty báseńdetý úshin qoldaǵy qarajatty ustap bitirip, endi gýbatkom qalalyq keńes jáne gýbernelik kásipshiler keńesi gýberneniń barlyq eńbek­shilerine jar salady – jumysqa kiremin dep Semeıge kelýdi toq­­tatý­­lary­ńyzdy suraıdy. О́ıt­keni munda jumysqa túse almaı júr­gen jumyssyzdar áli kóp, onyń ústine jumysker alǵaly otyrǵan oryndar da joq. 

Ýatkomder (ýezdik atqarý ko­mı­tetteri – Q.Q.), bolat­kom­der (bolystyq atqarý komı­tetteri – Q.Q.), aýyl keńes­teri, bul ha­bar­­dyń mán-jaıyn eńbekshi el­ge túsindirýge jáne úıezden Se­meı­ge jumyssyzdardyń kelýin toq­tatý úshin shara qol­danýǵa tıis. 

Gýbatkom aǵasynyń orynbasary Medvedkov Gýbernelik kásipshiler keńesiniń aǵasy Býdreıka Qalalyq keńes aǵasy Qulataıuly

1928 jyl, 28 maı (mamyr – Q.Q.)

Qazbek QUTTYMURATULY,

«Egemen Qazaqstan»

Semeı