QR Qarýly Kúshteriniń áskerı qyzmetshisi, podpolkovnık Erlan Jortanov áskerı baqylaýshy retinde qaýipsizdik jáne beıbitshilik boıynsha Qazaqstan Respýblıkasynyń halyqaralyq mindettemeler aıasynda óziniń boryshyn oryndaı otyryp, Batys Saharada Referendým ótkizý boıynsha Birikken Ulttar Uıymynyń bitimgershilik mıssııasynan oraldy.
Qazaqstandyq áskerı qyzmetshi, podpolkovnık E. Jortanov bir jyl boıy Afrıka elinde boldy. Osy ýaqytta ol sondaǵy bir áskerı baqylaýshylar bazasynda qyzmet atqaryp sol bazanyń komandıri bolyp taǵaıyndaldy.
«Birikken Ulttar Uıymynyń mıssııasyna qatysa otyryp, men paıdaly tájirıbe jınaqtadym jáne alǵan bilimimmen bólisýge daıynmyn. Batys Saharadaǵy mıssııaǵa qatysqan burynǵy ofıserler ózderin kásibı jáne tájirıbeli mamandar retinde kórsete bildi», - deıdi ol.
Mıssııada áskerı baqylaýshylar belgili bir tapsyrmalardy oryndaıdy: tynyshtyqtyń saqtalýyn qadaǵalaıdy, bólingen jaýapkershilik aýmaǵyn baqylaıdy. Qazirgi ýaqytta Batys Saharada jáne Lıvanda Birikken Ulttar Uıymynyń mıssııasyna áskerı baqylaýshy jáne áskerı kontıngent retinde Qazaqstan Respýblıkasy Qarýly Kúshteri de qatysýda. Birikken Ulttar Uıymynyń jetekshisi bizdiń áskerı qyzmetshilerdiń kásibıligine joǵary baǵa berip, Birikken Ulttar Uıymy mıssııasy basshylyǵynyń medaldary, Alǵys hattarymen jáne gramotalarymen marapattapty.
Azamat QASYM,
«Egemen Qazaqstan»
Shyǵys Qazaqstan oblysy