О́ńirdegi energııa tıimdiligi men energııa únemdeýdi arttyrý sharalary týraly máseleni energetıka jáne turǵyn úı-kommýnaldyq sharýashylyq basqarmasy basshysynyń mindetin atqarýshy Jandos Salımov málimdedi.
Aǵymdaǵy jyly «Elektr energııasyn jáne energııa únemdeýdi damytý ınstıtýty» (Qazaqenergosaraptama) AQ-men birigip Qaraqııa aýdanynyń 2 bilim berý uıymynda, ıaǵnı Jetibaı selosy №3 mektep 84 mıllıon teńge, Munaıshy selosy Balaýsa bala-baqsha 24 mıllıon teńge, jalpy quny 108 mıllıon teńge quraıtyn energııa únemdeý tehnologııalaryn paıdalana otyryp jóndeý júrgizildi. Nátıjede, 45%-ǵa deıin elektr qýaty jáne 30%- ǵa deıin jylý únemdeldi.
Sondaı-aq, osy baǵyttaǵy jumystardy odan ári qaraı iske asyrý úshin «Elektr energııasyn jáne energııa únemdeýdi damytý ınstıtýty» (Qazaqenergosaraptama) AQ-men birlikte 548,209 mıllıon teńgege Aqtaý qalasyndaǵy 22 mekteptiń jaryq shamdary júıelerin paıdalaný jáne jańartý konsepsııasy jasaqtaldy. Jobaǵa sáıkes 22 072 dana jaryqsham, 48 770 dana elektr shamdardy aýystyrý qarastyrylǵan. Nátıjesinen jylyna 35,025 mıllıon teńge qarajatty nemese 44,68% deıin elektr qýatyn únemdeý múmkindigi kútiledi.
Búgingi tańda pılottyq tártipte qosylatyn turǵyn úılerde jylý, elektr energııasy, sý úshin ortaq úılik esepke alý aspaptary ornatylyp, esepke alý aspaptarynan derekterdi onlaın rejımde alý iske asyrylyp otyr. Sondaı-aq, aǵymdaǵy jyldyń aıaǵyna deıin derekterdi onlaın rejımde berý múmkindigi bar jáne avtomattandyrylǵan jylý pýnktin ornatý josparlanýda. Bul jylý berý maýsymy kezinde 11,0 mıllıon teńge únemdeýge múmkindik beredi.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy