«Astana hub» halyqaralyq tehnoparkinde «Jastardy qoldaý» baǵytynyń komıssııa otyrysy ótti. QR Parlamenti Májilisiniń depýtaty, partııalyq tálimger Baqtııar Máken tóraǵalyq etetin komıssııa quramyna QR Parlamenti Májilisiniń depýtattary, Mınıstrlikter ókilderi, jastar uıymdarynyń kóshbasshylary jáne belsendi jastar kiredi.
Kezekti komıssııa otyrysynda Memleket basshysy Nursultan Ábishuly Nazarbaevtyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» Qazaqstan halqyna joldaýy, «Arnaıy ınnovasııalyq alańdar qurý arqyly IT salasynda joǵary dárejeli jas mamandardy daıarlaý jáne Qazaqstannyń sıfrlyq básekege qabilettiligin arttyrý» taqyryptary talqylandy. Sonymen qatar komıssııa múshelerine arnaıy «Astana Hub» halyqaralyq IT-startaptar tehnoparkiniń tanystyrylymy ótti.
Otyrys barysynda Halyqaralyq IT ýnıversıtetiniń Rektory Shynybekov Damır Abdýhalıuly Halyqaralyq aqparattyq tehnologııalar ýnıversıtetiniń IT salasynda joǵary dárejeli jas mamandardy daıarlaýdaǵy róli men atqarylyp jatqan jumystary jaıly baıandady. Ýnıversıtet oqytýshylarynyń 60%-ynyń sheteldik bilimi bar bolsa, 100-den astam túlek «Bolashaq» baǵdarlamasy arqyly shetelde bilim alýda. Sonymen qatar ortaq kelisim negizinde stýdentter amerıkalyq Carnegie Mellon ýnıversıtetinde óz bilimderin jetildiredi.
Erekshe atap ótetini, Halyqaralyq IT ýnıversıteti tek jastardy ǵana emes, zeınetkerlerdi de kompıýterlik saýattylyqqa úıretedi. Bul maqsatta «50+» áleýmettik joba iske asyrylady. Osy ýaqytta 4 000 astam zeınetker men múmkindigi shekteýli azamattar bilim alǵan.