Muǵalimderdi qoldaýdyń naqty qadamy

Elbasy Nursultan Nazarbaev­tyń 2018 jyldyń 5 qaza­nyn­da jarııalaǵan «Qazaqstan­dyqtardyń ál-aýqatynyń ósýi: tabys pen turmys sapasyn arttyrý» atty Joldaýy elimizdiń aldynda turǵan aýqymdy min­detterdi naqtylaǵan, olardy júzege asyrýdyń tıimdi joldaryn kórsetken strategııalyq qujat bolyp tabylady.

Joldaý elimizdiń áleýmet­tik-ekonomıkalyq damýynyń ózek­ti máselelerine jáne qazaq­stan­dyq­tardyń ál-aýqa­tyn odan ári arttyrý isine ar­nal­ǵan. Sondyqtan da Joldaý­da kóterilgen máse­le­ler­diń barlyǵy búgingi qoǵamy­myz úshin asa mańyzdy. Ásirese áleý­mettik salaǵa basa nazar aýda­rylýy, onyń ishinde muǵalim­der mártebesin kóterýge qatysty bastamalar halyqtyń kóńilinen shyqty dep esepteımiz.

Osy oraıda Elbasy Nursul­tan Nazarbaev kelesi jyly muǵa­lim­derdiń qoǵamdaǵy bedelin kóterý úshin tıisti zań jobasyn daıyn­daý­dy tapsyrdy. «Kele­si jy­ly «Pe­da­gog mártebesi týra­ly» zańdy ázir­lep, qabyldaý qajet dep sanaımyn. Bul qujat muǵalimder men mek­tepke deıin­gi mekemeler qyz­metkerleri úshin barlyq ıgilikti qarasty­ryp, júk­temeni azaıtýǵa, jónsiz tek­serister men mindetten tys fýnk­sııalardan arashalaýǵa tıis», dedi Memleket basshysy.

Sondaı-aq Prezıdent jer­gi­lik­ti bıliktiń «barlyq ju­mys­ty muǵalimderdiń moınyna artyp qoıatynyn» atap kór­setti. «Ne bolsa, sonyń bári muǵa­lim­der­ge júk­teledi. Saılaýdy da muǵalim­der ótkizedi, úgit-na­sı­­hat kampanııa­syn da muǵa­lim­­der júrgizedi. Bul úshin olar­ǵa eshnárse tólemeıdi. Olar jumy­syn istep, daıyndalýy tıis. Bul az bolǵandaı, olardy tekseredi», dedi Elbasy.

Prezıdent buǵan qosa, el­de keıbir aımaqtarda mektep jetis­peı, oqýshylar úsh aýysym­da oqyp jatqanyn synap, bul máseleni sheshý úshin Úkimetke 2019-2021 jyldarǵa arnalǵan bıýdjetten qosymsha 50 mıl­lıard teńge qarastyrýdy tapsyrdy.

Men de osy bilim salasynda qyzmet etip kele jatqan muǵalim retinde Elbasynyń Joldaýyna qoldaý bildirgim keledi. Elbasy­nyń pedagog mamandarǵa kórset­ken qoldaýynyń arqasynda, Qazaqstan damyǵan 30 eldiń qataryna qosylatynyna senemin. 

Halqymyzdyń baqýatty ómir súrýi jáne elimizdiń damyǵan 30 eldiń qataryna qosylýy basty mindet. Osynaý asyl murat jolynda bizdiń elimiz zamana synyna tegeýrindi is-qımylymen la­ıyqty jaýap berip keledi. Iá, búgingi kezeńniń talaby ońaı emes. Birligimiz myzǵymasa, yntyma­ǵymyz ydyramasa, biz úshin alynbaıtyn asý bolmaıdy. Sondyqtan da qoǵamymyzǵa tatýlyq pen rýhanı kelisimniń ornyǵýyn Elbasy ustanǵan saıa­sat­tyń arqasy ekenin túsinip, ortaq múdde jolynda birlese jumys isteýimiz kerek. 

Muhtar Áýezov  aıtqandaı, «Halyq pen halyqty teńestiretin – bilim». Sondyqtan bilim báseke­sine qabiletti shákirt tárbıeleý – pedagogtardyń aldyna qoıǵan basty maqsaty.

Bıbi JAZYQBAEVA,

Alataý batyr aýyly S.Káttebekov atyndaǵy jalpy orta mekteptiń bastaýysh synyp muǵalimi

Túrkistan oblysy, Shardara aýdany